«Կուզեի լսել Երեւանում գծանշումների բացակայության մասին։ Ցանկացած վարորդ թերեւս կհաստատի, որ մարդիկ տեսողական հիշողությամբ են մեքենա վարում։ Գարնանն ասում են՝ գծանշումներն աշնանը կանենք, աշնանն ասում են՝ գարնանը կանենք։ Մենք հնարավորություն չունենք Երեւանի քաղաքապետին խորհրդարանում հարցեր տալու։ Ինչո՞ւ են բացակայում Երեւանի գծանշումները»,-ՏԻՄ մասին օրենքում փոփոխությունների օրինագծի քննարկման ժամանակ այսօր ԱԺ նիստում տարածքային կառավարման եւ ենթակառուցվածքների նախարարի տեղակալ Վաչե Տերտերյանից հետաքրքրվեց «Իմ քայլից» դուրս եկած պատգամավոր Թագուհի Թովմասյանը։
Տերտերյանը «չեն կատարվում» գնահատականին չհամաձայնեց․ «Կատարվում են։ Գուցե ոչ բավարար ծավալով են կատարվում։ Բնական է, որ սա պայմանավորված է հնարավորություններով։ Հատկապես Երեւանում աշխատանքի ծավալը հաշվի առնելով՝ պետությունը որոշակի ծավալով աշխատանք իր վրա է վերցրել։ Թվային տվյալներ այս պահին չունեմ»։
Թագուհի Թովմասյանը հավելեց՝ եթե գծանշումներն արվում են, վարորդների համար չպետք է դա աննկատ լինի․ «Կսպասեմ տվյալներին»։
Կարդացեք նաև
Լուիզա ՍՈՒՔԻԱՍՅԱՆ
Այս դեպքում տեղին է համ հաճույք է ստանում համ կույս մնում արտահայտությունը: Նախորդներին սիրաշահելով բիզնես հիմնեց, նորերին սիրաշահելով մանդատ ստացավ, հիմա՝ կապիտուլացիայից հետո մտահոգի տեսքով ելույթներ է ունենում: Նրա նշած խնդիրները կային նաեւ անցած տարի, նախանցած տարի՝ ինչո՞ւ չէր խոսում: