Մի խումբ իտալացի գործիչներ դիմել են Ադրբեջանի կառավարությանը՝ պահանջելով ազատ արձակել հայ ռազմագերիներին: Հայտարարության մեջ ընդգծվում է, որ «բոլոր գերեվարված անձանց ազատ արձակումը կնպաստի երկու երկրների միջև վստահության ամրապնդմանը, ինչը առանցքային նշանակություն ունի տարածաշրջանում կայունության և հարատև խաղաղության համար:
«Սոցիալական ցանցերում տարածված հայ ռազմագերիներին նվաստացնող, անմարդկային վերաբերմունք պարունակող տեսանյութերը խորը մտահոգություն են առաջացնում: Ավելին, ռազմագերիների ու մյուս գերեվարված անձանց նկատմամբ անմարդկային վերաբերմունքը միջազգային իրավունքի սկզբունքների աղաղակող խախտում է »,- ասվում է համատեղ հայտարարության մեջ:
Հայտարարության հեղինակները կոչ են արել Ադրբեջանին «անհապաղ և առանց նախապայմանների» վերադարձնել բոլոր ռազմագերիներին և գերեվարված քաղաքացիներին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
