«Անշուշտ, պարոն Մարուքյան եւ ընդդիմադիր գործընկերներ, ես բացարձակ անհիմն եմ համարում պնդումները, թե ռազմական դրության՝ մինչեւ այս պահը երկարաձգելն ունի ներքաղաքական դրդապատճառ»,-ԱԺ լիագումար նիստում այսօր հայտարարեց խորհրդարանի նախագահ Արարատ Միրզոյանը։
Հիշեցնենք, որ քննարկվում է «Լուսավոր Հայաստանի» եւ «Բարգավաճ Հայաստանի» ներկայացրած՝ ՀՀ-ում ռազմական դրության ռեժիմը վերացնելու առաջարկը։
Միրզոյանը շեշտեց՝ ընդդիմադիր շարժումները, փողոցում վրանների առկայությունն իր ասածի լավագույն ապացույցն են․ «Հիմնավոր է միտքը, որ ցանկալի է՝ ռազմական դրությունը հանելու գործընթացն ամփոփի կառավարությունը եւ ինքը նախաձեռնի ռազմական դրությունը հանելը։ Բոլորս էլ ընդունում ենք, որ արտահերթ ընտրությունների օրը հայտարարված է, եւ կառավարությունն այսպես թե այնպես պետք է նախաձեռնի ռազմական դրությունը հանելու գործընթացը։ Այնուամենայնիվ, քանի որ ընդդիմությունը մի քանի օր առաջ է սա նախաձեռնել, առաջարկում եմ հաշվի առնել այն հանգամանքը, որ կան քաղաքական պայմանավորվածություններ։ Առաջարկում եմ ընդառաջել ընդդիմության նախաձեռնությանը, կողմ քվեարկել ռազմական դրությունը հանելուն՝ թեկուզ մի քանի օր կամ յոթ օր շուտ։ Պատկերացնում եմ, երբ մենք դեմ քվեարկենք, իսկ մի քանի օր հետո մենք նույնը ներկայացնենք կամ կառավարությունը, կլինեն շահարկումներ, ուստի առաջարկում եմ կողմ արտահայտվել»։
Կարդացեք նաև
Լուիզա ՍՈՒՔԻԱՍՅԱՆ
