Պահանջում ենք հրաժարվել հանցավոր գործարքից
Հայաստանի ղեկավարությունը որոշում է կայացրել պատվաստել Covid 19-ի դեմ Օքսֆորդի համալսարանի և AstraZeneca ընկերության կողմից մշակված պատվաստանյութով: Մեր գրպանից առասպելական գումար է վճարվել, մինչդեռ Ռուսաստանը Հայաստանին առաջարկել է Sputnik V պատվաստանյութը մի քանի անգամ ավելի էժան և անվտանգ:
Ի դեպ, մարտի կեսերին, հայտնաբերված կողմնակի ազդեցությունների վերաբերյալ տեղեկատվության պատճառով, ավելի քան 20 երկրներ հայտարարեցին AstraZeneca անգլո-շվեդական ընկերության պատվաստանյութի մասնակի կամ ամբողջական մերժման մասին: Հյուսիսային Եվրոպայի երկրները՝ Դանիան, Նորվեգիան և Իսլանդիան առաջինն էին։ Վերջին օրերին այդ մասին հայտարարեցին ԵՄ խոշորագույն երկրները՝ Գերմանիան, Ֆրանսիան, Իտալիան, Իսպանիան, ինչպես նաև Սլովենիան, Պորտուգալիան և Կիպրոսը: Պատվաստանյութի օգտագործումը դադարեցվել է նաև Եվրոպայից դուրս։ Լրատվամիջոցներով տարածվեց այն լուրը, որ Բրաունշվեյգում Օքսֆորդի պատվաստանյութով պատվաստված 88 բժշկից 37-ն իրենց այնքան վատ են զգացել, որ չեն կարողացել աշխատել, և հիվանդանոցը ստիպված է եղել ժամանակավորապես դադարեցնել անձնակազմի պատվաստումը:
Հետաքննվում են AstraZeneca պատվաստանյութով պատվաստվելուց հետո գլխուղեղի արյունազեղումից կնոջ մահվան հանգամանքները, պատվաստվածների մոտ թրոմբների առաջացման մասին հաղորդումները: Ինչպես հաղորդում է Եվրոպական դեղերի գործակալությունը (EMA), պատվաստված հիվանդների մոտ հայտնաբերվել է թրոմբոէմբոլիզմի 30 դեպք:
Կարդացեք նաև
Ամենահետաքրքիրն այն է, որ արտադրողը պատասխանատվություն չի կրում պատվաստումներից հետո առաջացած բարդությունների համար և չի վճարելու փոխհատուցում իրավական պահանջների դեպքում. ամբողջ ֆինանսական պատասխանատվությունն ընկնելու է պետությունների կառավարությունների վրա: Իսկ Հայաստանում ոչ ոք երբևէ պատասխանատվություն չի կրել նման դեպքերի համար: AstraZeneca պատվաստանյութի հետ կապված սկանդալի ֆոնին ռուսական Sputnik պատվաստանյութի մասին ավելի ու ավելի դրական արձագանքներ են հայտնվում:
Sputnik-ի օգտագործմանը հաջորդած բարդությունների կամ մահվան դեպքերի մասին դեռևս չի եղել որևէ հաղորդագրություն: Եվ այն արդեն օգտագործվում է եվրոպական շատ երկրներում։ Հետևաբար, անհասկանալի է, թե ինչու է մեր պետությունը ցանկանում գործ ունենալ կասկածելի պատվաստանյութերի հետ՝ փորձարկումներ կատարելով իր քաղաքացիների վրա։ Արդյոք, գարդասիլի օրինակով, բազմաթիվ երկրների կողմից մերժված և ավելցուկ դարձած խմբաքանակը թանկ գնով չե՞ն վաճառում մեր նման երկրի վրա։ Հայտնի է, որ իրական պատերազմ է գնում վաճառքից առավելագույն շահույթ ստանալու համար։ Եվ մեր կառավարությունը ներքաշված է այս կեղտոտ խաբեության մեջ։
Կոչ ենք անում մասնագիտական կառույցներին, հանրությանը, քաղաքական և հասարակական կազմակերպություններին միանալ մեր պահանջին և հրաժարվել AstraZeneca և այլ կասկածելի պատվաստանյութերից Հայաստանում: Պատերազմի ընթացքում և հետագա ամիսներին մեր ժողովուրդը ֆիզիկական և բարոյական ահռելի կորուստներ ունեցավ: Եվ ազգի առողջության հետ կապված հաջորդ փորձերն անընդունելի են:
Նիկոլ Փաշինյան և դեռևս իշխողներ՝ մի ավելացրեք ձեր մեղքի բեռը։ Պատիժն անխուսափելի է լինելու։
«Մտավորականների խորհուրդ» հասարակական նախաձեռնություն
«Հայահավաք» շարժման նախաձեռնող խումբ
