2017 թվականի հունիսի 2-ին Դուրնիսի Քամալ գիզի Ահմեդովան դիմել էր Մարդու իրավունքների եվրոպական դատարան՝ Ադրբեջանի դեմ։ Խուլիգանության համար դատապարտված Ահմեդովան բողոքել է, որ չնայած իր պնդումներին, միջնորդություններին` հայրենի դատարանը մերժել է ուսումնասիրել հասանելի ապացույցը` տեսանյութը եւ դատարան հրավիրել իր՝ պաշտպանության կողմի վկաներին։
Դիմումատուի գանգատը համապատասխանում է Եվրոպական կոնվենցիայի 6-րդ հոդվածի խախտմանը, արդար դատավարության իրավունքին:
Սակայն դատարանը ստացել է «բարեկամական կարգավորման»` հաշտության հավատարմագիր, ստորագրված կողմերի կողմից, որն էլ ենթադրում է հրաժարում հետագա պահանջներից Ադրբեջանի դեմ:
2021 թվականի փետրվարի 18-ին դատարանը որոշել է ոչ նյութական վնասի հատուցման մասով բավարարել հայցադիմումը:
Կարդացեք նաև
Ադրբեջանի կառավարությունը պարտավորվել է վճարել ոչ նյութական վնասի հատուցման համար` 2500 եվրո եւ 500 եվրո դատական ծախսերի համար:
Մելինե ԳԱԼՈՒՍՏՅԱՆ
«Առավոտ» օրաթերթ
20.03.2021
