Լիբանանի նախագահ Միշել Աունն ընդունել է ադրբեջանական գերությունից ազատ արձակված Մարալ Նաջարյանին:
Մարալ Նաջարյանն ասել է, որ գերեվարվել է Շուշիում իր ընտանիքի անդամի հետ։ Շնորհակալություն է հայտնել Միշել Աունին, ով միջամտել է իրեն գերությունից ազատելու հարցում։ Նա գերեվարվել էր նոյեմբերի 10-ին, մեկնել էր անձնական իրերը վերցնելու։ Մարալ Նաջարյանը վերադարձել է տուն մարտի 11-ին։
Հիշեցնենք, որ լիբանանահայ Մարալ Նաջարյանը գնացել էր Շուշիից իրերը վերցնելու, ճանապարհին գերեվարվել էր ադրբեջանցիների կողմից: Մարալը ՀՀ և Լիբանանի Հանրապետության քաղաքացիություն ունի:
Հատկանշական մեկ փաստ. Լիբանանի նախագահի ընդունելության սենյակում պատից կախված է հայ նկարիչ Պոլ Կիրակոսյանի կտավը, որը ևս մեկ ապացույցն է Լիբանանի ժողվրդի մեծ հարգանքը հայերի, հայ ժողվրդի մշակութային և ազգային արժեքների նկատմամբ:
Կարդացեք նաև
Նյութն ամբողջությամբ՝ սկզբնաղբյուր կայքում
