ԵԽԽՎ մշտական հանձնաժողովը խորը մտահոգություն է հայտնել կամայական տեղահանությունների զոհերի կապակցությամբ՝ ընդգծելով, որ մոտ 2.8 միլիոն եվրոպացի ներքին տեղահանության է ենթարկվել:
«Շատ եվրոպացիներ փախստականներ են այլ երկրներում… վերջերս Լեռնային Ղարաբաղի շուրջ պատերազմը հանգեցրեց տեղահանված անձանց նոր ալիքի»,- ընդգծել են խորհրդարանականները:
Պատգամավոր Ֆաբիեն Գուտեֆարդի զեկույցի հիման վրա ԵԽԽՎ մշտական հանձնաժողովն ընդունել է բանաձև՝ կոչ անելով անդամ երկրներին միջազգային իրավունքի չափանիշները տեղափոխել ազգային օրենսդրություն, և «դրանում ներդնել ազգային դատարանների համընդհանուր իրավասության սկզբունքը»՝ կամայական տեղահանության և այլ ռազմական հանցագործությունների կամ մարդկության դեմ ուղղված հանցագործությունների համար:
Ըստ ընդունված բանաձևի՝ յուրաքանչյուր անդամ պետություն ազգային և միջազգային օրենսդրությամբ նախատեսված բոլոր միջոցներով պետք է հետապնդի և պատժի արտասահմանում տեղահանված անձանց նկատմամբ երրորդ անձանց կողմից մարդու իրավունքների խախտումները:
Կարդացեք նաև
Ի վերջո, Մշտական կոմիտեն կոչ է արել անդամ պետություններին պաշտպանություն և օգնություն ցուցաբերել նման տեղահանության զոհերին հատուկ բժշկական և հոգեբանական խնամքի, ապաստանի արագացված ընթացակարգերի, ընտանիքի վերամիավորումը թույլատրող գործողությունների և զոհերի նկատմամբ կատարված հանցագործությունների հետապնդման միջոցով:
Պատրաստեց՝ Վիկտորյա ԱՆԴՐԵԱՍՅԱՆԸ
