«Այս պահին ունենք վիճակ, որ խորհրդարանական քաղաքական ուժերի կոնսենսուսի արդյունքում հայտարարվել է արտահերթ խորհրդարանական ընտրությունների օր, ուստի նախապատրաստական աշխատանքները սկսված են։ Գործող օրենսդրությամբ մենք եւ մյուս ուժերը պատրաստվում ենք»,-լրագրողների հետ ճեպազրույցում այսօր անդրադառնալով հարցին, թե հունիսի քսանին սպասվող արտահերթ խորհրդարանական ընտրությունների մասնակցելու համատեքստում կո՞ղմ է գործող ընտրական օրենսգրքին՝ ասաց «Լուսավոր Հայաստան» խմբակցության ղեկավար Էդմոն Մարուքյանը։
«Եթե փորձ արվի նոր ԸՕ ընդունել, դա կարվի 20-30 օրում։ Դա նշանակում է, որ ես ու դուք շախմատ խաղալիս լինենք, եւ մեկը գնդակով մտնի, գնդակ կբերի, հետեւաբար՝ խաղի կանոնները կփոխվեն։ Հետեւաբար, հիմա այդ հարցում կոնսենսուս չեմ տեսնում, իսկ առանց կոնսենսուսի խորհրդարանում ԸՕ ընդունելու հնարավորություն չեմ տեսնում, դա շատ սխալ բան կլինի»,-նշեց Էդմոն Մարուքյանը։
Նրա խոսքով՝ խաղի ընթացքում խաղի կանոնները փոխելը հետ կգցի գործընթացը, թեեւ ԸՕ-ի հետ կապված խնդիրներ կան․ «Գործող խաղի կանոններով պետք է բոլորս պատրաստվենք ընտրությունների»։
Կարդացեք նաև
Էդմոն Մարուքյանը վերահաստատեց, որ մինչեւ հունիսի քսանն իրենք վարչապետի թեկնածու չեն առաջադրելու։
Լուիզա ՍՈՒՔԻԱՍՅԱՆ
