ՀՀ արդարադատության նախկին նախարար Արփինե Սիմոնյանի ֆեյսբուքյան գրառումը.
«Դատարանները վերցնելուց» ու երկիրը հանձնելուց 5 րոպե առաջ
Շատ ուզում եմ կարդաք ու մտածեք….
Չեմ ուզում թաքցնել ձեզնից, այսօր, երբ իրենցքայլականների սանձարձակության ու տգիտության հավաքական կերպար ալենսիմոնյանը ( ի դեպ նա դրանով հպարտանում է) բառի ուղիղ իմաստով հարձակվել էր դատավոր Մ. Պետրոսյանի վրա, սկսեցի հարցուփորձ անել վերջինիս մասին, ով է, ինչպիսի կենցաղ ունի, ինչով է «արժանացել» նման վերաբերմունքի և այլն:
Կարդացեք նաև
Արդեն հատվածական ստացված պատկերը ստիպեց երկար մտածել, որ մենք մեր կողքին եղած արժեքային համակարգ փոխելու ունակ մարդկանց չենք գնահատում: Հայտնի ենք դարձնում հիմարների, անբարոների ու այս խելահեղ ռիթմի մեջ ոչնչացնում կարևորը:
Այլ երկրում այս դատավորը էտալոնային կլիներ: Դատավորը ապրում է վարձով, երիտասարդ տարիքում ծնող է կորցրել, պահում է զինծառայող եղբորը, մասնագիտական բարձր որակներ ունի, սովորական հայ մարդու պես ունի առողջական խնդիրներ, և այլն և այլն…. արշակյան հակոբի նման մարդ չի ծեծում, քրեական ենթամշակույթի կրող չի, կաշառակեր չի…..ու իրեն քննադատում են ալենսիմոնյանատիպ ուրացող դավաճանները…. ու իրեն այցելում են ԱԱԾ- ականները, որ ստիպեն բանակի դեմ որոշում կայացնի:
Ի դեպ, դավաճանին այսպիսի կողմնակիցների դեպքում անգամ թշնամիներ պետք չեն: Բոլորին իրենց դեմ տրամադրելու մասով հատկապես: Եթե այսքանը ես եմ պարզել ու իսկապես շատ վատ զգացել ինձ, անգամ` մեղավոր, դե պատկերացրեք կոլեգա դատավորները ինչքան բան գիտեն իրենց գործընկերոջ մասին, ու ինչպես են վերաբերվել ԱԱԾ այցին:
Ի դեպ աշխարհի «ամենարդար» գլխավոր դատախազը ու դավաճանի մնացած հարճ իրավապահները բան չունե՞ն ասելու:
ԲԴԽ հատկապես իրավաբան գիտնական անդամները` Գրիգոր Բեքմեզյանը, Վիգեն Քոչարյանը, Լիպարիտ Մելիքջանյանը բան չունե՞ն ասելու: Դրա համա՞ր էիք ԲԴԽ գնում: Դուք հայրենիք չե՞ք կորցրել: Դուք իրո՞ք Մհերի անկախությունն եք ապահովում:
Բայց դավաճանները չեն հանդարտվելու: Արտահերթից առաջ ունեն ծրագիր «դատարանները վերցնելու» ու նոր շոոուներ բեմադրելու: Վաղը այդ ծրագրի կարևոր կետերից մեկի սկիզբն է:
Ներկայացված է նախագիծ, որտեղ ի թիվս այլ մառազմատիկ կարգավորումների, կա խայտառակ հակասահմանադրական մի դրույթ, այն է` ԲԴԽ-ին տրվում է լիազորություն ՑԱՆԿԱՑԱԾ դատավորից վերցնել որևէ գործ` խիստ անորոշ չափանիշներով ու տալ այլ դատավորի: Այսինքն, իրենց սրտի դատավորներին կտան իրենց համար հույժ կարևոր գործերը: Սա ուղղակի հակասում է Սահմանադրության միանգամից մի քանի հոդվածի, ու բոլոր այն դերակատարները, ովքեր ՍԴ դիմել իրավունք ունեն, անելիք ունեն:
Գարշելի քաղաքական պատճառները չեն ընդունվելու: Մենք մեր երկիրը հիստերիկ չտեսից փրկելու խնդիր ունենք:
Սա միայն մի դրույթ է ու ծրագրի մի մաս: Հերթով ասելու եմ` ով ինչով է զբաղված: Դիմագծային ու բարոյական լյուստրացիա լինելու է:
Սկսվելու է խորհրդարանական ընդդիմության պայքարի ձևից, վերջացրած ԲԴԽ ամեն անդամի կոնկրետ պահվածքով: Կրավորական ու հարմարվողական վարքագիծ պահել չեք կարողանալու: Ես պետության քանդման մասնակիցների մասով իսկապես կարմիր գիծ չունեմ:
Առաջիկայում մանրամասն կներկայացնեմ բոլոր քայլերը ու հակաքայլերը: Լրագրողներին խնդրելու եմ ԲԴԽ անդամներից յուրաքանչյուրի դիրքորոշումը հստակեցնել ԲՈԼՈՐ հարցերով: Հանրային լուրջ պարսավանքի պիտի արժանանան սպանդի հոգեկան անհավասարակշիռ կազմակերպչի բոլոր լուռ ու բացահայտ կողմնակիցները:
