Այսօր ԱԺ Տնտեսական հարցերի հանձնաժողովի նիստում ՊԵԿ նախագահ Էդվարդ Հովհաննիսյանը ներկայացրեց «Հարկային օրենսգրքում» փոփոխությունների նախագիծ, որով առաջարկվում է օրինապահ հարկ վճարողներին խրախուսել ու տրամադրել հավաստագրեր, արտոնություններ: Կառավարությունը օրինապահ հարկ վճարողի չափանիշները կսահմանի օրենքի ընդունումից հետո եռամսյա ժամկետում: Հարկ վճարողներն իրենք պետք է դիմեն ՊԵԿ-ին՝ հարկային կարգապահության հավաստագիր ստանալու համար:
Մինչ հավաստագիրը տալը կստուգվեն տնտեսվարողի վճարած հարկերը, դրանից հետո ՊԵԿ-ի կողմից նրանց սպասարկումը կլինի ավելի օպերատիվ ու սեղմ ժամկետներում: Բացի այդ, առաջարկվում է «Տոների եւ հիշատակի օրերի մասին» օրենքում լրացում կատարել եւ ապրիլի 19-ը սահմանել Հարկ վճարողի օր:
«Իմ քայլը» խմբակցությունից Արտակ Մանուկյանն առաջարկեց պետական գնումների համակարգով խրախուսել օրինապահ հարկ վճարողներին:
«Լուսավոր Հայաստանից» Արմեն Եղիազարյանն ասաց, որ մտահոգություններ ունի, որ ՊԵԿ-ը իր յուրայիններին կտա հավաստագրեր: ՊԵԿ նախագահը վստահեցրեց, որ որեւէ փաստ չեն կարող բերել, որոնք կապացուցեն, թե ՊԵԿ-ն ունի յուրայիններ:
Կարդացեք նաև
Նախագիծը դրական եզրակացություն ստացավ:
Հռիփսիմե ՋԵԲԵՋՅԱՆ
