Այսօր ԱԺ պաշտպանության եւ անվտանգության հարցերի հանձնաժողովի նիստում քննարկվեց «ՀՀ կառավարության ծրագրի 2020 թվականի կատարման ընթացքի եւ արդյունքների մասին» զեկույցը:
Հանձնաժողովի նախագահ Անդրանիկ Քոչարյանն ասաց, որ մամուլում գնումների հետ կապված հրապարակումների առնչությամբ դիմել է ԱԱԾ-ին, որ գործ հարուցեն. «Մենք ապրում ենք իրականության եւ ֆեյքի մեջ ու դա արդեն վերածվել է ազգային անվտանգության հարցի… Զարուհի Փոստանջյանն էր երեկ Թեհլերյանի գործողության 100-ամյակին ձեռքի ատրճանակային շարժումով պատկերացնում էր պետական պաշտոնյաների գլուխներ ու բոլորին «քըխ-քըխ» էր անում: Նեմեսիսը պետք էր լուծարված լիներ, բայց ես կարծում եմ, կան կուսակցություններ, որոնք ունեն գաղտնի նման կառույցներ: Պարզվեց, որ Նեմեսիսը լուրջ նորից պահանջարկ է վայելում ու կուսակցությունները սա փորձելու են մտցնել ներքին քաոսի մեջ: Վերջին հաշվով Հոկտեմբերի 27-ը ոչ պակաս Նեմեսիսի նման էր: Զարուհի Փոստանջյանը՝ կին, խոսում էր թեմայից, մնում էր ատրճանակը տային ձեռքը ասեին՝ դավայ, սկսի կրակել աջուձախ»:
Ըստ Քոչարյանի, դրա վրա պետք է աչք չփակել:
Կարդացեք նաև
Քրիստինե Պողոսյանը ԱԱԾ տնօրենի տեղակալ Տիգրան Հարությունյանին հարցրեց՝ ԱԺ նախագահ Արարատ Միրզոյանի դեմ մահափորձի գործը բացահայտվա՞ծ է համարում, ոչ միայն կատարողները, այլ նաեւ պատվիրատուները հայտնի՞ են ձեզ՝ նա պատասխանեց, որ նախաքննություն է ընթանում, մի քիչ դժվար է պատասխանել, նախաքննության ավարտից հետո հայտնի կլինի:
Ըստ Անդրանիկ Քոչարյանի, Արարատ Միրզոյանին ծեծողները մտածել են, որ նա այլեւս ողջ չէ, դրա համար չեն շարունակել, հակառակ դեպքում ավելի վատ ավարտ կունենար:
Նա նաեւ անդրադարձավ բանակին՝ ասելով, որ փորձում են ներքաշել բանակը ներքաղաքական հարցերի մեջ. «Բանակի փեշերից թող ոչ մեկը չկախվի:
Հռիփսիմե ՋԵԲԵՋՅԱՆ
