Հուլիսից Երեւանում կգործարկվի ոստիկանության 700 հոգանոց կազմով եւ 150 մեքենայով պարեկային ծառայությունը։ Այս մասին այսօր ԱԺ մարդու իրավունքների պաշտպանության եւ հանրային հարցերի հանձնաժողովի նիստում ՀՀ կառավարության ծրագրի՝ 2020թ․-ի կատարման ընթացքի եւ արդյունքների մասին զեկույցի ներկայացման ժամանակ հայտարարեց ՀՀ արդարադատության նախարար Ռուստամ Բադասյանը։
«Ոստիկանության ակադեմիայում ընթանում է կադրերի պատրաստման ակտիվ գործընթացը, որում ներգրավված են միջազգային փորձագետներ։ Դասախոսներն ընտրվել են մրցույթով, ապա վերապատրաստվել։ Պարեկները սովորում են ամենօրյա անհրաժեշտություն ունեցող կրթական ծրագրերը»,-նշեց նա։
Հիշեցնենք, որ ճանապարհային ոստիկանությունը պարեկային ծառայության է վերափոխվում ոստիկանության բարեփոխումների օրենսդրական փաթեթի շրջանակում։
Ռուստամ Բադասյանի փոխանցմամբ՝ Լոռու եւ Շիրակի մարզերում պարեկային ծառայություն գործարկելու վերաբերյալ քննարկումներ են ընթանում։
Կարդացեք նաև
Լուիզա ՍՈՒՔԻԱՍՅԱՆ
