«Որեւէ անձից ձերբազատվելու որեւէ խնդիր երբեւէ չենք հետապնդում, իսկ Ռուբեն Վարդազարյանի հայտարարությունը, մեր գնահատմամբ, կրել է քաղաքական բնույթ»,-խորհրդարանում լրագրողների հետ ճեպազրույցում այսօր ասաց ՀՀ արդարադատության նախարար Ռուստամ Բադասյանը՝ անդրադառնալով հարցին, թե իշխանությունը ԲԴԽ նախագահ Ռուբեն Վարդազարյանից ազատվելու խնդի՞ր ունի, որով պայմանավորված՝ վերջերս «Իմ քայլը» չընտրեց վճռաբեկ դատարանի դատավորների երկու թեկնածուներին։
Հիշեցնենք, որ խմբակցությունը թեկնածուների մասին դրական կարծիք արտահայտեց, բայց պայմանավորված Ռուբեն Վարդազարյանի վարքով եւ նրա՝ նոյեմբերի 15-ի հայտարարությամբ, «Իմ քայլը» դեմ քվեարկեց թեկնածուներին եւ Վարդազարյանի այդ հայտարարությունը որակեց «քաղաքական»։
Ռուստամ Բադասյանը նշեց՝ համաձայն չէ որակման հետ, թե իշխանական խմբակցությունը տապալել է վճռաբեկ դատարանի երկու դատավորների ընտրության հարցը․ «Թեկնածությունները դեռ կքննարկվեն։ Չեմ կարող ասել երբ, բայց չափազանցնում եք, երբ խոսում եք տապալելու մասին։ Այո, չեն ընտրել եւ մեկնաբանել են, որ խնդիրը թեկնածուների հետ չի կապված»։
Կարդացեք նաև
Լուիզա ՍՈՒՔԻԱՍՅԱՆ
Լուսանկարը՝ արխիվային
