«Առաջին լրատվական»-ի զրուցակիցն է ՀՀ վարչապետի գլխավոր խորհրդական Արայիկ Հարությունյանը:
– Վարչապետը հանդիպել է «Քաղաքացիական պայմանագիր» կուսակցության անդամների հետ, դուք մասնակցե՞լ եք: Այս մթնոլորտում դժվար թե հրատապ հարցեր չքննարկեիք:
– Այո՛, մասնակցել եմ: Հանդիպումը փակ է եղել, քննարկվել են հրատապ ներքաղաքական հարցեր: Օրակարգը հայտարարված է, մենք առաջարկել ենք գնալ այն օրակարգով, որը կտանի արտահերթ ընտրությունների, և այդ միջոցով ներքաղաքական զարգացումներին հանգուցալուծում կտրվի… Եթե իրենց օրակարգում կհայտնվեն արտահերթ ընտրությունները, որը կլինի հուշագիր ստորագրելու միջոցով, մենք պատրաստ ենք նորից քննարկելու: Այն ազդակները, որ ստացել ենք խորհրդարանական ուժերից, մեզ այդ առումով լավատեսություն են ներշնչում: Հուշագիր ստորագրելը թույլ է տալիս ապահովել հարթ ընթացք դեպի արտախորհրդարանական ընտրություններ:
– Հուշագրի ստորագրումը ենթադրո՞ւմ է խորհրդարանի լուծարում:
Կարդացեք նաև
– Այո՛, նաև դա:
– Նախագահական ինստիտուտի հետ ինչպիսի՞ն են հարաբերությունները, կա՞ն կնճիռներ:
– Այո՛, կա՛ն, և դա երևում է վերջին զարգացումներից, բայց դրանք կապված են որոշակի ներքաղաքական խնդիրների հետ, համենայնդեպս այդ հարաբերությունները համագործակցային են և գործընկերային… Այդ կնճիռները կարող են հարթվել նաև սահմանադրական փոփոխությունների միջոցով:
Հոդվածն ամբողջությամբ՝ «Ժամանակ» օրաթերթի այսօրվա համարում:
