ԵԱՀԿ գործող նախագահի և Ադրբեջանի ԱԳՆ ղեկավարի՝ այսօր տեղի ունեցած ճեպազրույցին իշխանությունները միջազգային լրատվամիջոցների ներկայացուցիչներ չեն հրավիրել: Թե ինչով է պայմանավորված այդ որոշումը, պարզ չէ, բայց Լինդենի ելույթը անհայտ է մնացել մի շարք լրատվամիջոցների համար:
ԵԱՀԿ ղեկավարի ելույթին Turan գործակալությունը կարողացել է ծանոթանալ միայն երեկոյան՝ նրանից խնդրելով իր ելույթի տեքստը:
Այսպես, Անն Լինդենը հայտարարել է, որ իր նախագահության ժամանակ առաջնահերթություն է մնում Եվրոպայում անվտանգությունը: Անդրադառնալով Ադրբեջանի արտգործնախարար Ջեյհուն Բայրամովի հետ հանդիպմանը՝ նա նշել է, որ ուշադրության կենտրոնում է եղել տարածաշրջանում 2020թ. նոյեմբերի 10-ից հետո փոփոխված իրավիճակը:
Մասնավորապես, Լինդենը նշել է, որ հայտարարության դրույթների կատարումը, այդ թվում գերեվարվածների հարցը, ինչպես նաև մարդասիրական իրավունքի նկատմամբ հարգանքը հիմքեր կստեղծեն առաջ շարժվելու համար:
Կարդացեք նաև
«Ես լիարժեք պաշտպանում եմ ԵԱՀԿ Մինսկի խմբի համանախագահների և իմ անձնական ներկայացուցչի աշխատանքը կայուն խաղաղության իրենց փնտրտուքներում: Մնացել է լուծել մի շարք կարևոր հարցեր: ԵԱՀԿ-ն և միջազգային հանրությունը ընդհանուր առմամբ պետք է կարևոր դեր խաղան լուծումներ փնտրելու գործում»,- ընդգծել է նա:
Պատրաստեց՝ Վիկտորյա ԱՆԴՐԵԱՍՅԱՆԸ
