Այսօր Վերաքննիչ քրեական դատարանում, նախագահությամբ Ալեքսանդր Ազարյանի, քննարկվել է Քաղաքաշինության կոմիտեի նախկին ղեկավար Վահագն Վերմիշյանին կալանքից ազատ արձակելու վերաբերյալ միջնորդությունը, որը սակայն մերժվել է: Այսինքն՝ Վահագն Վերմիշյանը կմնա կալանքի տակ:
Հիշեցնենք, որ Վահագն Վերմիշյանը, մեղադրվում է պաշտոնական լիազորությունները չարաշահելու եւ խոշոր չափի կաշառք վերցնելու համար:
Ըստ գործում առկա նյութերի, 2019 թվականի մարտի 21-ից Վահագն Վերմիշյանը զբաղեցնելով Քաղաքաշինության կոմիտեի նախագահի պաշտոնը, 2019 թ. սեպտեմբերից մինչեւ 2020թ փետրվարի 5-ն ընկած ժամանակահատվածում իր պաշտոնեական դիրքը ծառայության շահերին հակառակ օգտագործելով, չարաշահել է իր պաշտոնեական լիազորությունները եւ խախտելով «Հանրային ծառայության մասին» ՀՀ օրենքի 31-րդ հոդվածի պահանջները՝ զբաղվել է ձեռնարկատիրական գործունեությամբ, ինչպես նաեւ ստացել է խոշոր եւ առանձնապես խոշոր չափերի հասնող կաշառք, պաշտոնեական դիրքն օգտագործելով խարդախությամբ հափշտակել ուրիշի՝ խոշոր չափերի հասնող գույքը։
Լուսինե ԲՈՒԴԱՂՅԱՆ
Կարդացեք նաև
Լուսանկարը՝ «Հետքի»
