H.E.R. երգչուհու I Can’t Breathe երգը՝ նվիրված ոստիկանների կողմից սպանված աֆրոամերիկացի Ջորջ Ֆլոյդին, 2021թ. «Գրեմմի» մրցանակաբաշխության ժամանակ ճանաչվել է «Տարվա երգ»:
Բիլլի Այլիշը «Գրեմմի» է ստացել տարվա լավագույն ձայնագրության, ինչպես նաև Ջեյմս Բոնդի մասին վերջին ֆիլմի երգի համար:
«Գրեմմիի» 63-րդ արարողությունը տեղ է ունեցել առանց հանդիսատեսի՝ հիբրիդային ձևաչափով. ելույթները տեղի են ունեցել հարևանությամբ տեղակայված 5 բեմերի վրա:
Կարդացեք նաև
«Ես ցանկանում եմ խոսել այն ցավի մասին, որ զգում են միայն սևամորթները»,- իր ելույթում ասել H.E.R.-ը Ֆլոյդին նվիրված իր երգի և ԱՄՆ-ում ծավալված Black Lives Matter շարժման մասին: I Can’t Breathe («Ես խեղդվում եմ») 46-ամյա Ֆլոյդի վերջին խոսքերն էին:
Երգչուհի Թեյլոր Սվիֆթը արձանիկ է ստացել տարվա լավագույն ալբոմի համար: Folklore ալբոմը երաժշտական քննադատները ավելի վաղ համարել էին երգչուհու լավագույն ալբոմը: Սա Թեյլոր Սվիֆթի թվով 8-րդ ալբոմն է:
Ամերիկացը փոփ երգչուհի Բիլլի Այլիշը «Գրեմիի» մի քանի արձանիկ է ստացել, այդ թվում ամենահեղինակավոր «Տարվա լավագույն ձայնագրություն» անվանակարգում՝ Everything I Wanted երգով, ինչպես նաև մրցանակ՝ Ջեյմս Բոնդի ֆիլմի երգի համար:
Անցյալ տարի Այլիշը ստացել էր 5 արձանիկ, այդ թվում լավագույն դեբյուտ, լավագույն երգ և լավագույն ալբոմ անվանակարգերում:
«Լավագույն երգ վիզուալ մեդիայի համար» անվանակարգում Այլիշի հետ արձանիկ է ստացել նաև նրա եղբայրը՝ Ֆիննեաս Օ’Քոնելը:
«Լավագույն նոր կատարող» անվանակարգում հաղթել է ամերիկացի ռեփ երաժիշտ Megan Thee Stallion-ը:
Երգչուհիներ Լեդի Գագան և Արիանա Գրանդեն մրցանակ են ստացել համատեղ Rain on me երգի համար՝ «Լավագույն փոփ կատարում դուետով կամ խմբով» անվանակարգում:
Բեյոնսեն «Գրեմմի» է ստացել «Լավագույն R&B կատարում անվանակարգում» Black Parade երգի համար: Այժմ երգչուհին ունի կանանց շրջանում «Գրեմմիի» ռեկորդային թվով՝ 28 արձանիկ:
Նախորդ այդպիսի ռեկորդը պատկանում է քանթրի երգչուհին Էլիսոն Քրաուսին՝ 27 արձանիկ: Տղամարդկանց շրջանում այդ ռեկորդը պատկանում է բրիտանացի խմբավար Գեորգ Շոթլիին՝ 31 արձանիկ:
Պատրաստեց Վիկտորյա ԱՆԴՐԵԱՍՅԱՆԸ
