«Երրորդ ուժ» քաղաքացիական նախաձեռնության ներկայացուցչական հավաքի ընթացքում հարց հնչեց, թե ինչպե՞ս են նախաձեռնության անդամները վերաբերվում Հայաստան, Ռուսաստան, Բելառուս միասնական պետության ստեղծմանը:
Նախաձեռնության անդամ, «Թովմասյան» հիմնադրամի ղեկավար Արտակ Թովմասյանը պատասխանեց հարցին՝ նշելով, որ Հայաստանը պետք է ունենա հստակ արտաքին քաղաքականության ռազմավարություն, այն է՝ ավելի սերտ համագործակցություն ռազմավարական դաշնակից Ռուսաստանի հետ. «Ինչո՞ւ ոչ, հնարավոր է միասնական պետության մակարդակով: Բայց սրանք բոլոր այն հարցերն են, որոնք հետո պետք է քննարկենք: Պետք է լինի համապատասխան ինտեգրացիա»:
Նա նշեց, որ արտաքին քաղաքականության տեսանկյունից Հայաստանը չպետք է մոռանա, որ Հայաստանը պետք է նկատի ունենա նաև Ռուսաստանի շահը: Սակայն պետք չէ մոռանալ հայկական սփյուռքի մասին, որը ըստ նրա, ևս համարում է, որ Հայաստանի գլխավոր դաշնակիցը Ռուսաստանն է. «Այդ երկրներում (ԱՄՆ, Ֆրանսիա) 2-3 սերունդ ապրող հայերը կարծում են, որ Հայաստանի ռազմավարական գործընկերը պետք է Ռուսաստանը լինի: Դա միանշանակ է: Դա տեսակետն է այն մարդկանց, որոնք 3-րդ սերունդն է այնտեղ են ապրում»:
Ամի ՉԻՉԱԿՅԱՆ
