«Շատերը կարծում են, որ եթե Նիկոլ Փաշինյանը շարունակի իշխել, թշնամին դրսից գալու է եւ զավթի։ Ես այլ հայացք ունեմ այս ամեն ինչին։ Թշնամին արդեն զավթել է մեզ ներսից։ Մենք դրսից ենք սպասում վտանգ, մինչդեռ այն, ինչ Արցախում սկսվել է դրսից, նոյեմբերի 9-ից ներսում շարունակվում է, այդ թվում Հայաստանում»,-«Հայելի» մամուլի ակումբում լրագրողների հետ զրույցում այսօր ասաց «Ընդդեմ իրավական կամայականության» հ/կ գործադիր տնօրեն, ՀՀ առաջին օմբուդսման, իրավապաշտպան Լարիսա Ալավերդյանը։
Նրա բնորոշմամբ՝ Ադրբեջանին եւ Թուրքիային պետք չէ ընկնել միջազգային հանրության «բերանը», որովհետեւ իրենք արդեն գործակցում են ՀՀ-ում գործող կառավարության, ազգային ժողովի իշխանական խմբակցության հետ։
«Ունենք ոչ միայն զավթած իշխանություն, այլեւ գրավված Հայաստան՝ Թուրքիայի եւ Ադրբեջանի դաշնակից հանդիսացող «Իմ քայլական» ողջ խմբի կողմից։ Այսօր գուցե ոչ բոլորն են հասկանում, որ այն, ինչն սպասում ենք դրսից, արդեն տեղի է ունեցել։ Թուրքիան եւ Ադրբեջանն ինչ-որ պետք է անեն, դա չի լինելու դրսից հարձակվելով, որովհետեւ հարձակումը ներսից է՝ իրենց դաշնակից խմբի օգնությամբ եւ ուժերով։ Եթե որեւէ մեկը կասկածում է, թող վերլուծի այն արդյունքները, որոնք կան սեպտեմբերից այս կողմ։ Ես եզրակացության եմ եկել՝ վերլուծելով այս ողջ շղթան եւ տեսնելով, որ Ադրբեջանն ու Թուրքիան հիմնականում անցել են տեղեկատվական պատերազմի՝ երկրի քայքայման գործողությունները թողնելով իրենց դաշնակից քայլականներին»,-նշեց բանախոսը։
Լարիսա Ալավերդյանի կարծիքով՝ գեներալիտետը մինչեւ այսօր չէր հասկացել, որ տեղի է ունենում երկրի գրավում ներսից․ «Միջազգային իրավունքում անօրինական հրաման կատարելը հանցագործություն է։ Հիմա այն, ինչ անում է Նիկոլ Փաշինյանը, հանցակից է դարձնում բոլոր նրանց, ովքեր պատասխանատվություն ունեն երկրի անվտանգության համար: Անօրինական հրամաններ կատարող գեներալներին հիշեցնում եմ նյուրնբերգյան գործընթացի սկզբունքը՝ ապօրինի կարգադրություն կատարողը եւս հանցագործություն է կատարում»։
Կարդացեք նաև
Լուիզա ՍՈՒՔԻԱՍՅԱՆ
