«Հայրենիքի փրկության շարժման» անդամ ՀՅԴ ներկայացուցիչ Գեղամ Մանուկյանը վիճելի է համարում ԳՇ պետի լիազորությունները դադարեցնելու մասին կառավարության տարածած հաղորդագրությունը: Այսօր Բաղրամյան պողոտայում լրագրողների հետ զրույցում, անդրադառնալով այդ հարցին՝ Գեղամ Մանուկյանն ասաց. «Նախագահը հայտարարել է, որ դիմել է ՍԴ օրենքի սահմանադրականությունը ճշտելու հարցով, որի վրա հղում անելով՝ կառավարությունն ասում է, որ իրավունքի ուժով Օնիկ Գասպարյանը ԳՇ պետ չէ։ ԳՇ պետի պաշտոնավարումը կարգավորվում է Հայաստանի Սահմանադրությամբ, 2020 թվականին նախագահ Արմեն Սարգսյանը դիմել է ՍԴ՝ ճշտելու իր գործառույթները, ՍԴ-ն արձանագրել է՝ Հայաստանի նախագահը նշանակում է Գլխավոր շտաբի պետ, ազատման մասին խոսք չկա»։
Ավելի ուշ, նաեւ Օնիկ Գասպարյանը հայտարարություն տարածեց` տեղեկացնելով, որ իր ազատման հարցը վիճարկելու է Վարչական դատարանում: Դրան հետեւեց ԳՇ մյուս սպաների հայտարարությունը: Նաեւ պաշտոնապես հաստատվեց` Արմեն Սարգսյանն առաջարկություն է ստացել ԳՇ պետի պաշտոնում Արտակ Դավթյանին նշանակելու մասին:
Մինչ այս իրադարձությունները կհետեւեին մեկը մյուսին, Գեղամ Մանուկյանը պնդում էր` բոլոր չափորոշիչներով Օնիկ Գասպարյանը շարունակում է մնալ ԳՇ պետ։
Գեղամ Մանուկյանը մի բանում էլ է վստահ. «Նիկոլ Փաշինյանն առաջին օրվանից եկել է՝ նպատակ ունենալով ՀՀ զինված ուժերը գլխատել: Նրա թիրախներից մեկը եղել է ՀՀ զինված ուժերը, այսօր էլ հետեւողական փորձում է ջլատել»։
Կարդացեք նաև
Ինչ վերաբերում է Գլխավոր շտաբի պետի պաշտոնում վարչապետի նախընտրած թեկնածուներին, Գեղամ Մանուկյանն ասել էր․ «Ես կարծում եմ, որ Նիկոլ Փաշինյանի մտքում Արգիշտի Քյարամյանն է կամ իր աներձագը, որովհետեւ իրենց ուղեղն այդ մակարդակից վերեւ չի բարձրանում: Այն ավերը, որը բերեց Փաշինյանը… Մի օր «ոտքի դատարանն է գալիս» արտահայտությունից հետո այդ ամենի մասին կխոսվի»:
Members of ‘Homeland Salvation Movement’ blocked the entrance of the RA National Assembly building placing tents on Demirchyan street of Yerevan, Armenia
Members of ‘Homeland Salvation Movement’ blocked the entrance of the RA National Assembly building on Demirchyan street of Yerevan, Armenia
Police forces were brought as the members of ‘Homeland Salvation Movement’ blocked the entrance of the RA National Assembly building placing tents on Demirchyan street of Yerevan, Armenia
Police forces were brought as the members of ‘Homeland Salvation Movement’ blocked the entrance of the RA National Assembly building placing tents on Demirchyan street of Yerevan, Armenia
Members of ‘Homeland Salvation Movement’ still keep the Baghramyan Avenue blocked while demanding the RA Prime Minister Nikol Pashinyan’s resignation in Yerevan, Armenia
Գեղամ Մանուկյանը նաեւ ասաց, որ ամբողջ գիշեր քաղաքացիների հոսքը Բաղրամյան եւ Դեմիրճյան փողոցներ չի դադարել, նրանք եկել են աջակցություն հայտնելու: Գիշերն էլ հանդարտ է անցել։
Նելլի ԳՐԻԳՈՐՅԱՆ
