Ազատ եւ հունահռոմեական ոճի ըմբշամարտի Հայաստանի ազգային հավաքականները, որոնք նոր են վերադարձել Կիեւում անցկացված միջազգային ավանդական մրցաշարից, շարունակում են նախապատրաստվել Տոկիոյի օլիմպիական խաղերին: Այդ իրավունքը ստանալու համար առաջիկայում՝ մարտի 18-ից 21-ը, նրանք պետք է Բուդապեշտում հանդես գան եվրոպական երկրների վարկանիշային մրցաշարում: Վարկանիշ նվաճելու համար հավաքականների յուրաքանչյուր անդամից պահանջվելու է իր քաշային կարգում առնվազն մտնել եզրափակիչ:
Հայաստանն ըմբշամարտից Տոկիոյի օլիմպիական խաղերի երկու մասնակից արդեն իսկ ունի՝ հունահռոմեական ոճի ներկայացուցիչներ, 77 կգ քաշային Կարապետ Չալյանը եւ 97 կգ քաշային Արթուր Ալեքսանյանը:
Աշոտ ՀԱԿՈԲՅԱՆ
