Պատերազմից հետո Հայաստանի Գեղարքունիքի մարզի սահմանազատման գործընթացում գրանցվել են տնտեսական, ձեռնարկատիրական իրավունքի կոպիտ խախտումներ, եւ առաջնային օրինակը Գեղարքունիքի մարզում Սոթքի ոսկու հանքի օրինակն է։ Այս մասին այսօր լրագրողների հետ հանդիպմանն ասաց ՀՀ ՄԻՊ Արման Թաթոյանը։
«ՀՀ կառավարության որոշմամբ եւ «ՀՀ պետական սահմանի մասին» օրենքի հիման վրա՝ Սոթքի վարչական տարածքի մի մասը՝ 200 հեկտար, հատկացվել էր կազմակերպությանը՝ ձեռնարկատիրական գործունեության իրականացման համար։ Կազմակերպությունը, ինչպես մեզ ասել է, իրականացրել է 5 միլիոն դոլարից ավելի ներդրումներ, բայց ՀՀ կառավարության որոշմամբ հատկացված տարածքից 75 հեկտարի վրա ֆիզիկապես գտնվում են Ադրբեջանի զինված ուժերը, ինչը կազմակերպությանը զրկել է տարածքի մյուս մասն օգտագործելու հնարավորությունից։ Նույնը վերաբերում է նաեւ արոտավայրերին եւ այլ տարածքներին։ Ես այս գործն ուղարկել եմ ՄԻԵԴ-ում ՀՀ կառավարության ներկայացուցչին՝ միջպետական գանգատի գործում ներառելու համար»,-տեղեկացրեց Արման Թաթոյանը։
Հիշեցնենք, որ Քարվաճառի սահմանին գտնվող Սոթքի ոսկու հանքի մի հանի հարյուր աշխատակիցներ, ինչպես ԱԺ պատգամավոր Թագուհի Թովմասյանն է հայտարարել, մնացել են առանց աշխատանքի։
Կարդացեք նաև
Լուիզա ՍՈՒՔԻԱՍՅԱՆ
