Ադրբեջանի նախագահ Իլհամ Ալիևը Տնտեսական համագործակցության կազմակերպության գագաթնաժողովում կազմակերպության անդամ-երկրներին հրավիրել է օգտվել Զանգեզուրի միջանցքից:
Հիշեցնենք, Տնտեսական համագործակցության կազմակերպության անդամ երկրներն են Ադրբեջանը, Իրանը, Թուրքիան, Աֆղանստանը, Պակիստանը, Ղազախստանը, Ղրղըզստանը, Տաջիկստանը, Թուրքմենստանը և Ուզբեկստանը:
«Այսօր մենք մտածում ենք ապագայի մասին: Տարածաշրջանում կայունություն և խաղաղություն ապահովելու համար մենք սկսել ենք քննարկել բազմաթիվ երկրներ իրար կապող տրանսպորտային նախագծեր: Ադրբեջանը, Թուրքիան և Իրանը միասնական դիրքորոշում են ցուցաբերում տարածաշրջանում տրանսպորտային նախագծերի իրականացման հարցում»,- ասել է Ալիևը՝ հավելելով, որ Հայաստանն էլ կարող է օգուտ ստանալ այդ գործընթացից, «եթե իրեն կարգին պահի»:
Ալիևն ընդգծել է, որ նոր տրանսպորտային միջանցքը կանցնի «Ադրբեջանի պատմական տարածքով՝ Զանգեզուրով» և կմիացնի Ադրբեջանի հիմնական մասը Նախիջևանի ինքնավար Հանրապետության և Թուրքիայի հետ: «Մենք հրավիրում ենք Տնտեսական համագործակցության կազմակերպության անդամներին օգտվել Զանգեզուրի միջանցքից»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
