Լրահոս
Օրվա լրահոսը

«Ոչ մի անգամ ադրբեջանցիներին իրենց տեղը չեք դրել»․ Հայկ Կոնջորյանը մեղադրեց Արման Աբովյանին

Մարտ 02,2021 12:04

«Իմ քայլը» խմբակցության պատգամավոր Հայկ Կոնջորյանն այսօր ԱԺ լիագումար նիստում դիմելով «Բարգավաճ Հայաստան» խմբակցության պատգամավոր Արման Աբովյանին, որն ավելի վաղ իշխանությանն ուղղված քննադատությամբ եք հանդես եկել, հիշեցրեց, որ Աբովյանը դեռեւս նախորդ տարվանից ԵԱՀԿ խորհրդարանական վերաժողովում հայկական պատվիրակության երեք անդամներից մեկն է եղել։

Հայկ Կոնջորյան

«Մինչեւ այսօր 14 առցանց քննարկում ենք ունեցել տարբեր հարցերի շուրջ։ Պարոն Աբովյան, դուք 14 անգամ հնարավորություն եք ունեցել Ադրբեջանի պատվիրակների հետ բանավիճելու, բարձրաձայնելու արցախյան հարցի խնդիրներ։ Ոչ մի անգամ չեք մասնակցել։ Ես քարտուղարությանը հանձնարարել էր, որպեսզի առցանց քննարկումների բոլոր հղումներն ուղարկվեն մասնակիցներին։ Դուք ոչ մի անգամ չեք մասնակցել եւ ոչ մի անգամ ադրբեջանցիներին իրենց տեղը չեք դրել, ինչպես հիմա փորձում եք մեզ մեր տեղը դնել»,-նշեց Հայկ Կոնջորյանը։

Նա հայտնեց, որ օրերս կայացավ նաեւ ԵԱՀԿ խորհրդարանական վեհաժողովի ձմեռային նստաշրջանը․ «Դուք ասացիք, որ մասնակցելու եք, կարող էիք ադրբեջանցիների աչքերի մեջ նայելով՝ գերիների հարցը բարձրաձայնել, բայց չմասնակցեցիք»։

Արման Աբովյանն այսպես արձագանքեց․ «Աչքիս շատ եք սիրում ադրբեջանցիների աչքերին նայել, լիքը նայել ու ինչ-որ բաներ ասել։ Ձեր խմբակցությունում երկու մարդիկ կան, որոնք շատ լավ են տեղյակ ադրբեջանական քարոզչության դեմն առնելու հարցերում մեր աշխատանքից, մանիպուլյացիա մի արեք։ Կարո՞ղ է տեղյակ չեք, որ երկրում ծանրագույն ճգնաժամ է։ Տեղյակ եմ պահում։ Երբ մեղադրանք եք հնչեցնում, իմացեք՝ ձեզանից ավելի շատ եւ ուժեղ ենք ասում ադրբեջանցիներին։ Եթե որեւէ մեկին հետաքրքիր է, հատ-հատ կներկայացնեմ մեր պատգամավորների քրտնաջան աշխատանքը գերիների հարցով, եւ դա նամակներով է, ոչ թե վեբինարներով։ Չշահարկեք՝ մտքներովդ չանցնի»։

Հայկ Կոնջորյանն էլ իր հերթին պատասխանեց․ «Ձեր հուժկու ելույթից հետո ստիպված եմ արձանագրել, որ կասկածի տակ չեմ դնում ձեր աշխատանքը։ Ասում եմ, որ երբ մեղադրում եք մեզ անգործության մեջ, հիշեցնում եմ, որ դուք առանցքային պատվիրակության հիմնական անդամ եք եւ մեկ տարում ոչ մի անգամ ձեր կարեւոր մտքերը չեք արտահայտել»։

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2021
Երկ Երե Չոր Հնգ Ուրբ Շաբ Կիր
« Փետ   Ապր »
1234567
891011121314
15161718192021
22232425262728
293031