«Մինչ ողջ երկիրը, ելնելով Նիկոլի հայտնի սկանդալային հայտարարությունից, քննարկում էր «Իսկանդերի» պայթել-չպայթելու հարցը, ՌԴ ՊՆ-ն հանդես եկավ հայտարարությամբ, որ այդ զինատեսակն առհասարակ չի կրակել:
Բայց չէ՞ որ Նիկոլի ակնարկից զատ նաև ՀՀ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանը լրագրողների հետ զրույցում հստակ հայտարարել է. ««Իսկանդեր» պատերազմի ընթացքում կիրառվել է, բայց որտե՛ղ՝ չեմ նշի»:
Այսպիսով, ՌԴ ՊՆ-ի հայտարարությունից հետո Մ․ Հակոբյանը մնո՞ւմ է այն մտքին, որ «Իսկանդերը» արձակվել է: Հարցի շուրջ հստակ պատասխան ստանալու ակնկալիքով «Իրավունքը» դիմեց ՀՀ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանին, ով կրկին պնդեց ավելի վաղ ասվածը.
– Պարո՛ն Հակոբյան, ամեն դեպքում, փաստացի, ՌԴ ՊՆ-ն հերքեց ինչպես Ձեր, այնպես Էլ Փաշինյանի հայտարարությունները «Իսկանդերի» գործարկման մասին:
Կարդացեք նաև
– Ձեր առաջ շարքային զինվոր չի կանգնած, չէ՞, որ չճշտված ինֆորմացիա հրապարակի:
– Դե դրա համար էլ հարցնում ենք։
– Ես էլ պատասխանում եմ և պնդում՝ «Իսկանդերը» պատերազմի ժամանակ կրակել է: Այսքանը, մնացածի մասով, թե ով, ինչու, ապա դա իմ խնդիրը չի:
Նյութն ամբողջությամբ՝ «Իրավունք» թերթի այսօրվա համարում:
