ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը լրագրողների հետ զրույցում ասաց, որ հավաքվել են գեներալներ, սպաներ, ԱԱԾ, ոստիկանության, քննչական, մաքսային, հարկային մարմինների ներկայացուցիչներ՝ երկրում ստեղծված իրավիճակով մտահոգված:
Նրա խոսքով, բոլորը եկել են քննարկելու եւ հնարավոր լուծումներ գտնելու համար:
«Քննարկումը դեռեւս շարունակվում է… Կա Ֆիքսված մի փաստ, որ երկրում խորը ճգնաժամ է, եւ բոլորս պետք է մեր ուժերը, փորձը, հեղինակությունը գործի դնենք՝ ճգնաժամից դուրս գալու համար»,-հավելեց նա:
Անդրադառնալով ԳՇ պետին պաշտոնանկ անելու մասին՝ Արմեն Սարգսյանի քայլին, ապա նրա չստորագրած փաստաթուղթը Նիկոլ Փաշինյանի կողմից նախագահին վերադարձնելուն, Արթուր Վանեցյանն ասաց. «Նախագահն օգտագործեց իր սահմանադրական լիազորությունները ՝ որպես Սահմանադրությունը պահպանող, ինչը ողջունելի է»:
Կարդացեք նաև
Մարտի 1-ին Նիկոլ Փաշինյանի կազմակերպած հանրահավաքի եւ հնարավոր բախումների մասին էլ ԱԱԾ նախկին տնօրենն ասաց, որ իշխանությունները պետք է գիտակցեն, որ երկրում ոչ նորմալ վիճակ է, բացառեն բռնությունը՝ հաշվի առնելով երկու կողմերի նյարդայնացած եւ հուզված լինելը:
«Ցանկացած հնարավոր բախման թիվ 1 պատասխանատուն իշխանություններն են, նրանք պետք է ամեն ինչ անեն, որ Հայաստանի Հանրապետությունում ներքին բախումներ չլինեն»,-ընդգծեց նա:
Գոհար ՀԱԿՈԲՅԱՆ
