Փետրվարի 25-ին Նիդերլանդների խորհրդարանը ձայների գերակշիռ մեծամասնությամբ (դեմ են քվեարկել միայն Թուրքիայի իշխանությունների շահերը ներկայացնող երեք պատգամավորներ) բանաձև է ընդունել, որում, հղում անելով Հայոց ցեղասպանության ճանաչման վերաբերյալ իր նախորդ բանաձևերին, կոչ է արել կառավարությանը վերջնականապես և հստակ կերպով ճանաչել Հայոց ցեղասպանությունը՝ որպես պատմությանն առերեսվելու, հաշտեցումն առաջ մղելու և դրա կրկնությունը կանխելու արդյունավետ միջոց:
Մեկ այլ բանաձևով խորհրդարանն արձանագրում է Ադրբեջանի անընդունելի քայլերը՝ հայ ռազմագերիներին և քաղաքացիական անձանց վերադարձնելու առումով, կոչ է անում կառավարությանն առավելագույն ջանքերը գործադրել Ադրբեջանի կողմից իր պարտավորությունները կատարելու և վերջիններիս հայրենադարձնելու ուղղությամբ:
Բանաձևերը հասանելի են հետևյալ հղումներով՝ tweedekamer.nl, tweedekamer.nl
