Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ հանդիպմանը կողմ է արտահայտվել օրենքի շրջանակում Հայաստանում իրավիճակի կարգավորմանը: Այս մասին հայտարարել է Ռուսաստանի նախագահի խոսնակ Դմիտրի Պեսկովը:
«Եթե դուք ուշադիր կարդացել եք մեր հրապարակած տեքստը, ապա հավանաբար հնարավորություն ունեցել եք կարդալու այն արտահայտությունը, որ Ռուսաստանի նախագահը կողմ է արտահայտվել օրենքի շրջանակում խնդրի կարգավորմանը: Դա շատ կարևոր է: Մեր կողմից բավականին լիարժեք ձևակերպում է տրվել, որը միանգամայն բովանդակալից է»,- ասել է Պեսկովը՝ ի պատասխան այն հարցի, թե ինչու է տարբերվում Պուտին-Փաշինյան հեռախոսազրույցի վերաբերյալ երկու կողմերի տարածած հաղորդագրությունները:
Պատրաստեց՝ Վիկտորյա ԱՆԴՐԵԱՍՅԱՆԸ
