Տեսել և լսել ենք, թե այլ երկրներում ինչպես են զինվորականները ռազմական հեղաշրջում իրականացնում, հետո տրվում է դրա իրավական, քաղաքական գնահատականը՝ լավ կամ վատ: Բայց զինվորականների, այն էլ գործող բարձրագույն ռազմական ղեկավարության քաղաքական հայտարարություն անելը, թե հրաժարական տուր, չլսված, չտեսնված բան էր, ընդ որում, Սահմանադրության ուժով այս կառույցն ունի պարտավորություն՝ պահպանելու քաղաքական չեզոքություն:
Կարծես ոչ թե ռազմական գերատեսչության հետ գործ ունենք, այլ նախարարության: Իրավամբ, պատերազմը տանուլ տալու գլխավոր պատճառներից մեկը նման անատամ, անսկզբունք, բան ու գործը թողած, քաղաքականության հետ աղերսվող գեներալիտետն է, որը, պետք է արձանագրել, ձևավորեց ինքը՝ վարչապետը:
Պետք է արձանագրել նաև, որ գործող քաղաքական իշխանության անգործության արդյունքում է ձևավորվել Հայաստանի ներկա իրավիճակը, ուստի գործող քաղաքական իշխանությունը պարտավոր է կամ անհապաղ հրաժարական տալ և տեղը զիջել այն ուժերին, ովքեր ունակ և ընդունակ են երկիրը հանել այս քաոսից, կամ անհապաղ սահմանել օրենքի դիկտատուրա, որպեսզի յուրաքանչյուրը լինի իր տեղում, իր դերում:
Անթույլատրելի են քաղաքացիական բախումները:
Կարդացեք նաև
Լևոն Բաղդասարյան
փաստաբան, Լեվ Գրուպ փաստաբանական գրասենյակի գլխավոր տնօրեն
