Վրաստանի և ՆԱՏՕ-ի ռազմական համագործակցության աճը կարող է բացասաբար անդրադառնալ Լեռնային Ղարաբաղում իրավիճակի վրա: Այս մասին լրագրողներին ասել է Հավաքական անվտանգության պայմանագրի կազմակերպության (ՀԱՊԿ) Միացյալ շտաբի պետ Անատոլի Սիդորովը:
Նա հիշեցրել է, որ շնորհիվ Ռուսաստանի միջնորդության՝ հաջողվել է դադարեցնել ռազմական գործողությունները Լեռնային Ղարաբաղի տարածքում, և սկսվել է ճգնաժամի կարգավորման գործընթաց: «Տարածաշրջանում իրավիճակի զարգացման վրա բացասաբար ազդող գործոն մնում է Վրաստանի և ՆԱՏՕ-ի միջև ռազմական համագործակցության զարգացումը»,- ասել է Սիդորովը:
Նա նշել է, որ 2020թ. Բրյուսելում Վրաստանի և ՆԱՏՕ-ի ղեկավարության միջև տեղի ունեցած հանդիպման արդյունքում լրացվեց ՆԱՏՕ-Վրաստան միջոցառումների փաթեթը, այդ թվում ձեռք բերվեց պայմանավորվածություն 2021թ. ավելացնել համատեղ միջոցառումների թիվը:
«Դիտարկվում է նաև ԱՄՆ-ի ռազմական ներկայությունը տարածաշրջանում ավելացնելու, այդ թվում հանրապետության տարածքի և Սև ծովի ավազանի օդային տարածությունում վերահսկողություն ապահովելու հարցը,- ասել է Սիդորովը:- Նշված ռազմական գործունեությունը կնպաստի Կովկասում լարվածության ավելացմանը և տարածաշրջանում անվտանգության մակարդակի նվազման»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
