Yerevan.today. ՀՀ ԳՇ նախկին պետ, գեներալ-գնդապետ Մովսես Հակոբյանը հնարավոր համարում է Իսկանդերի 10 տոկոսով պայթելու հանգամանքը՝ զուտ տեխնիկապես, սակայն ռազմական գործչի պրոֆեսիոնալ դիտարկումները լրիվ հակասում են ՀՀ վարչապետի պաշտոնն զբաղեցնող Նիկոլ Փաշինյանի սկանդալային հայտարարությունների կամ ոչ մասնագիտական պնդումների հետ:
«Զուտ տեխնիկապես հնարավոր է, բայց էս հարցադրումներից հետո ես ստիպված եմ էլի գաղտնիքներ բացել՝ չբացելով այդ հզոր զինտեխնիկայի մասին բնութագիրը, թե ինչ է Իսկանդերն իրենից ներկայացնում:
Ինձ շատ հետաքրքիր է՝ ո՞նց են հաշվարկել, որ 10 տոկոսն է պայթել, արդյոք հարշվարկե՞լ են, առհասարակ… Որովհետև դա միայն կարող է հաշվարկել նա, ում վրա կրակել են: Վստահ եմ՝ այդ մարդը, ով հայտարարել է, որ Իսկանդերի կրակոցից միայն 10 % է պայթել, իր վրա չեն կրակել, ինքն այդտեղ չի եղել…»,- Yerevan.Today-ի հետ զրույցում ասաց գեներալը։
Սյուզի ԲԱԴՈՅԱՆ
