«Ֆեյքերին պետք է անջատել վարդակից եւ հայտնվել իրականությունում։ Իմ ամեն հարցազրույցից հետո «ֆեյքերի» ֆերման հարձակում է գործում, բայց արդեն ձանձրալի է»,-խորհրդարանում լրագրողների հետ զրույցում այսօր անդրադառնալով ԱԱԾ-ի կողմից «Գագիկ Սողոմոնյան» օգտատիրոջը գտնելուն ուղղված գործողություներին՝ ասաց ԱԺ պաշտպանության եւ անվտանգության հարցերի հանձնաժողովի նախագահ, «Իմ քայլի» պատգամավոր Անդրանիկ Քոչարյանը։
«Երբ անունը կա, իսկ մարդը՝ ոչ, նշանակում է, որ աշխատավարձով կեղծիք ու հայհոյանք է տարածում։ Բայց հայհոյանքներն արդեն դեր չեն խաղում։ Բոլորը սկսել են հասկանալ, թե որտեղ է իրականությունը եւ որտեղ է «ֆեյքը»։ Այնուամենայնիվ, դա ազդում է տրամադրությունների վրա, երբ վերցնում են ինչ-որ «ֆեյքի» գրառում եւ տարածում։ Շատ լրատվական կառույցներ կան, որոնք ֆինանսավորվում են՝ կեղծ լրատվություն տարածելու համար»,-նշեց նա։
Անդրանիկ Քոչարյանի խոսքով՝ եթե «ֆեյքերի» միջոցով ազգային անվտանգությունը վտանգվում է, ԱԱԾ-ն պետք է զբաղվի հարցով։
Կարդացեք նաև
Լուիզա ՍՈՒՔԻԱՍՅԱՆ
