«Իմ ասածները մանիպուլացրին, գրեցին, թե ես ասել եմ՝ կրակ ժողովրդի վրա։ Ես հո հոգեկան հիվա՞նդ չեմ որոշների պես, որոնք կայծակնային արագությամբ շենքերի գրավում են նախատեսում»,-խորհրդարանում լրագրողների հետ զրույցում այսօր պարզաբանելով իր խոսքերը՝ ասաց ԱԺ պաշտպանության եւ անվտանգության հարցերի հանձնաժողովի նախագահ, «Իմ քայլի» պատգամավոր Անդրանիկ Քոչարյանը։
Հիշեցնենք՝ նա ասել էր, որ եթե ընդդիմությունը խոսում է շենք-շինություններ գրավելու մասին, ապա պետք է հասկանան, որ այդ շենքերը պետական պաշտպանության տակ են եւ պետությունը կարող է կրակել:
Անդրանիկ Քոչարյանը հարցադրում արեց․ «Մոռացե՞լ եք մինչեւ այդ ինչ է եղել մեր պետության մեջ։ Հոկտեմբերի 27-ը մոռացա՞նք, «Դրո» կառույցը մոռացա՞նք։ Մեկ այլ կառույցի մասին էլ շեշտեմ, որը կարող է վտանգ հանդիսանալ՝ «Նեմեսիս» կառույցը․․․Ում մասին որ ասում եմ, այդ քաղաքական ուժերը շատ լավ հասկանում են՝ ինչ են ասում։ Թող խելքները գլուխները հավաքեն։ Պետությունը չի կարող թույլ տալ իր հիմքերի ոչնչացման գործընթաց։ Այդքան բան»։
Կարդացեք նաև
Լուիզա ՍՈՒՔԻԱՍՅԱՆ
