1in.am-ի «Հոծ գիծ» հաղորդման ընթացքում հարցին, թե Փաշինյանի կառավարությանը մեղադրում են, որ Հայաստանի ձախորդությունների պատճառը պոպուլիստական իշխանություն ունենալն է, Նիկոլ Փաշինյանը պատասխանեց․
«Հայաստանում հաջողության գրավականը կոռումպացված իշխանություն ունենա՞լն է։ Դա է նշանակո՞ւմ։ Թեզ է, բայց գիտեք՝ ինչ, եթե ինչպես ասում են, ծուռը նստենք շիտակ խոսենք, ես գուցե հրապարակային էլ եմ ասել, որ Հայաստանում, ցավոք սրտի, մի կայացած ինստիտուտ է եղել, և այդ ինստիտուտը եղել է կոռուպցիան։ Մենք եկել ենք հեղափոխությունից հետո և այդ կայացած միակ ինստիտուտը ոչնչացրել ենք»։
Նկատառմանը՝ և կանգ առել, Փաշինյանը արձագանքեց․ «Եվ կանգնել, շիվարած մնացել, որովհետև Հայաստանում առանց կոռուպցիայի ոչ մի բան չի աշխատել։ Եվ մենք այդ օբյեկտիվ մեղադրանք է, որ 2018-ին իշխանության գալով ոչնչացրել ենք երկրի միակ կայացած ինստիտուտը՝ կոռուպցիան։ Եկեք հիմա հետահայաց նայենք, ասում ենք՝ դատաիրավական համակարգ, ասում ենք՝ չգիտեմ՝ սկսած շինթույլտվությունից, ամեն ինչ դանդաղել է և տեղապտույտի իրավիճակի մեջ է հայտնվել, ինչո՞ւ, որովհետև շարժիչ ուժը, որը ամեն ինչ առաջ է տարել, այդ միակ կայացած ինստիտուտը ոչնչացված է։ Եվ պարզվել է, որ ինստիտուտները այն աստիճանի կայացվածություն չունեն, որ գոնե առանց կոռուպցիայի կարողանան աշխատել։ Որովհետև պետական կառավարման համակարգում մարդը, որը պետք է ստորագրի, ենթադրենք, միլիոնների գործարքին ընթացք տալու հարցը, ստանում է 120 հազար դրամ աշխատավարձ, և իրեն դրանից ավել ունենալ չի կարելի, որովհետև մեծ հավանականությամբ կձերբակալվի»։
Ամի ՉԻՉԱԿՅԱՆ
