«Եթե վախենայինք, այստեղ չէինք լինի»,- ՀՀ կառավարության երրորդ շենքի մոտ հայտարարեց ՀՅԴ անդամ Բագրատ Եսայանը՝ անդրադառնալով ՀՀ ԱԺ պաշտպանության հարցերի հանձնաժողովի նախագահ Անդրանիկ Քոչարյանի հայտարարություններին:
Հիշեցնենք՝ ՀՀ քաղաքացիները հավաքվել էին ՀՀ կառավարության շենքի մոտ թույլ չտալու Նիկոլ Փաշինյանի մոտքը կառավարության շենք: Նախնական տվյալներով՝ 25 անձ էր բերման ենթարկվել դեռ անհնազանդության գործողությունները չսկսված: Կառավարության շենքի դիմաց այսօրվա ցույցերից հետո ոստիկանական տարբեր բաժանմունքներ բերման է ենթարկվել 58 քաղաքացի։
Կարդացեք նաև
The police have blocked the area of RA Government’s third building in order to prevent the clashes while the RA Prime Minister Nikol Pashinyan enters the building. Yerevan, Armenia
The police have blocked the area of RA Government’s third building in order to prevent the clashes while the RA Prime Minister Nikol Pashinyan enters the building. Yerevan, Armenia
Opposition has blocked the entrance of the RA Government’s third building in order to prevent the RA Prime Minister Nikol Pashinyan’s entry to building. Yerevan, Armenia
Լրագրողները Բագրատ Եսայանին հիշեցրին ՀՀ ԱԺ պաշտպանության հարցերի հանձնաժողովի նախագահ Անդրանիկ Քոչարյանի այն հայտարարությունը, որ եթե շենքեր գրավեն, պետությունը կարող է կրակել ու հետաքրքրվեցին՝ չե՞ն վախենում, նա պատասխանեց. «Եթե նման հայտարարություն է անում, թող ուրեմն իրենց համեմատի իրենց ասած նախկինների հետ, երբ իրենք ու իրենց առաջնորդը գրավում էր կառավարության շենքը, այնքան բարոյականություն ունեին, որ ոչ թե չկրակեցին այդ ժողովրդի վրա, այլ որևէ բռնություն չգործադրեցին նրանց նկատմամբ: Հիմա կառավարության թիվ մեկ շենքից թիվ երեք շենք գնալու համար վարչապետի աթոռը զբաղեցնող այս անձն ամբողջ ներքին զորքերի համակարգը, բոլոր ոստիկաններին հանել է փողոց: Ժողովուրդը հասկանո՞ւմ է, որ Ադրբեջանի կիրթ նախագահի հետ համաձայնության գալուց և Արցախը հանձնելուց, պայմանավորված պատերազմից հետո այս մարդը հիմա իրենց անունից փորձում է հաստատել, որ ժողովուրդը համաձայն է եղել իր հետ: Այսինքն՝այն անձինք, որոնք չեն բողոքում և չեն պահանջում նրա հրաժարականը, ստացվում է, որ իրենից ու իր կնոջից պակաս հողատու չեն»:
Բագրատ Եսայան
Բագրատ Եսայանն ուղղակի զարմանում է, որ արժանապատվություն ունեցող մարդիկ իրենց տներում, աշխատավայրերում են, իսկ այս ոստիկաններին խղճում է:
Ցույցի մասնակիցները հայտարարեցին՝ անհնազանդության գործողությունները կշարունակվեն այսօր՝ ժամը 18.30-ին՝ Արամ Մանուկյանի արձանից մոտից:
Տաթև ՀԱՐՈՒԹՅՈՒՆՅԱՆ
