ՊԵԿ նախկին ղեկավար Գագիկ Խաչատրյանի գործով դատական նիստն այսօր կրկին հետաձգվեց: Արդեն տևական ժամանակ Գագիկ Խաչատրյանի գործով դատական նիստեր չեն կայանում: Պատճառն այսօր նույնպես Գագիկ Խաչատրյանի դատարան չներկայանալն էր: Նրա շահերի պաշտպան Երեմ Սարգսյանը տեղեկացրեց, որ առողջական խնդիրների պատճառներով Գագիկ Խաչատրյանը չի կարողացել ներկայանալ դատարան: Հենց այս պատճառով են արդեն տևական ժամանակ հետաձգվում վերջինիս գործով դատական նիստերը:
Պաշտպանները երկու անգամ ներկայացրել են միջնորդություն, որպեսզի Գագիկ Խաչատրյանը մեկնի արտասահման՝ բուժում ստանալու: Նրանց հիմնավորմամբ՝ Հայաստանում բոլոր հնարավոր բժշկական միջոցներն օգտագործվել են, սակայն Գագիկ Խաչատրյանին անհրաժեշտ է վիրահատություն, որի իրականացումը հնարավոր չէ այստեղ, հնարավոր է միայն արտերկրում:
Aravot.am-ի հետ զրույցում Երեմ Սարգսյանն ասաց, որ առաջիկա նիստում նա պատրաստվում է կրկին ներկայացնել միջնորդություն, որպեսզի դատարանը թույլ տա Գագիկ Խաչատրյանին մեկնելու բուժման:
Հաջորդ դատական նիստը նշանակված է մարտի 16-ին
Կարդացեք նաև
Նելլի ԳՐԻԳՈՐՅԱՆ
