Ի հեճուկս այն հանգամանքի, որ Հայաստանի Հանրապետությունը պաշտոնապես չի ճանաչել Ղրիմը` որպես Ռուսաստանի Դաշնության տարածքային ամբողջականության անբաժանելի մաս, սույն թվականի սեպտեմբերի 15-ին, այսպես կոչված, «Ռուսական մշակույթի և գիտության կենտրոնի» գրասենյակից` Չարենցավանի քաղաքապետի և Թեոդոսիա քաղաքի, այսպես կոչված, քաղաքապետի միջև, տեսակապի միջոցով տեղի է ունեցել Չարենցավան և Թեոդոսիա քաղաքների միջև բարեկամական կապեր հաստատելու մասին հուշագիր ստորագրելու վերաբերյալ քննարկում:
Այնուհետև` փետրվարի 22-ին, Ազգային-Ժողովրդավարական բևեռի Չարենցավան համայնքի համակիրների նախաձեռնությամբ տեղի է ունեցել հանդիպում համայնքի ղեկավարի հետ, որի ընթացքում ԱԺԲ-ի ներկայացուցիչները իրենց բողոքն են արտահայտել տեղի ունեցածի վերաբերյալ` շեշտելով, որ այդ գործընթացը դատապարտելի է և հարվածում է Հայաստանի Հանրապետության միջազգային-քաղաքական շահերին:
Հանդիպման վերջում համայնքի ղեկավարը հավաստիացրել է, որ նման հուշագիր չի ստորագրվի:
Ազգային-Ժողովրդավարական բևեռը հետևում է Հայաստանում իրականացող քաղաքական գործընթացներին և թույլ չի տալու, որ ազգային շահերին հակասող գործընթացները դրանց նախաձեռնողների համար ցանկալի զարգացում ունենան:
Կարդացեք նաև
Ազգային-Ժողովրդավարական բևեռի նախաձեռնող խումբ
