«Մենք արդեն ասել ենք, որ դավաճանները Հայաստանում օր ու արեւ չեն ունենալու: Մենք մեր խոսքի տերն ենք»,- այսօր «Հայելի» ակումբում հրավիրած ասուլիսում ասաց ՀՀԿ երիտթեւի ղեկավար Հայկ Մամիջանյանը:
Խոսելով երեկ կառավարական առանձնատան մոտ իրականացրած ակցիայի մասին՝ Մամիջանյանն ասաց. «Երբ որ ես այնտեղ առաջին օղու շիշը տեղադրում էի կառավարական առանձնատան մոտ, 15 մետրը մեկ 2-3 ոստիկան էին: Երբ ծաղկեփնջի ակցիան էին իրականացնում, այնտեղ գրեթե ոստիկանների պատ էր: Թե ինչքանով է դա նյարդայնացնում դավաճանների խունտային՝ ինձ թվում է դա էլ է ցուցանիշ: Ինչ վերաբերում է բերման ենթարկելուն, իրենց սիրած տարբերակն է՝ բերման ենք ենթարկել՝ անձը ճշտելու համար, 3 ժամ հետո ազատության մեջ էին: Ակցիաները շարունակական են լինելու»:
Մամիջանյանը հայտարարեց. «Հենց հիմա մեր երկիրը ռազմարդյունաբերական ցուցահանդեսին ներկայանում է բուկլետով ու ջրով: Դրա վրա ծախսվել է բյուջեից առնվազն 25 մլն դրամ: Ես խոսում եմ միայն ցուցահանդեսի վարձակալությունը, չեմ ասում՝ իրենց 5-աստղանի հյուրանոցում վեր ընկնելը: Ինչի՞: Որովհետեւ բարձր տեխնոլոգիաների նախարարությունը չի կարողացել կազմակերպել ռազմական տեխնիկայի՝ Մոսկվայից Աբու Դաբի տեղափոխումը ինքնաթիռով: Պիտի հիմար լինես առնվազն, եթե դա հիմարություն է: Ինչի համար մենք ստեր հորինենք այս մասին, եթե այդ մարդիկ այնքան անհայրենիք են, որ պատերազմի ժամանակ փող էին աշխատում, 600 դոլարով զրահաբաճկոն էին առնում: Հետո էլ իրենց պնդաճակատությունը, պնդերեսությունն ու «նիկոլիզմը» հերիքում է նրան, որ ստյոպասաֆարյանանման, անդրանիկքոչարյանանմաններով վեր կենան ու ասեն՝ 2 նախագահները չէին ուզում լուծել Ղարաբաղի խնդիրը, ստատուս քվո էին պահպանում…Անդրանիկ Քոչարյանը, որի հետ կապված տեղեկություններ կան, որ ինքը պատերազմի ժամանակ ներքաշված է եղել ապօրինի գնումների գործընթացներում, ռիսկ է անում ասի՝ դե հա, ինչ է եղել, 600 դոլարով զրահաբաճկոնը ինչ գիտեմ ով է արել, կարող է քաղաքացիներն են առել, փոխանցել ՊՆ-ին: Պատկերացնո՞ւմ եք ինչ ապաշնորհ ձեւով են փորձում կոծկել իրենց «փող լափելը»:
Կարդացեք նաև
Հռիփսիմե ՋԵԲԵՋՅԱՆ
