Հանրահավաքին մասնակցում էր նաեւ Գեղամ Նազարյանը, ում 18-ամյա որդին՝ Աբգարը եւս զոհվեց Արցախյան երկրորդ պատերազմի ժամանակ:
«Հայրենակիցներ, այսօր ձյուն էր, ցուրտ էր, բայց դուք եկել եք, եկել եք այստեղ ոչ թե նրա համար, որ ինչ-որ մեկին ուզում եք տեսնել իշխանության գլխին, այլ եկել եք, որովհետեւ արժանապատիվ եք: Եկել եք, որովհետեւ առնվազն 5000 երիտասարդ զոհվեց, 10000 վիրավորվեց, ի՞նչ ենք անելու մենք: Մենք եկել ենք նրանց հարգելու, նրանց գործը շարունակելու»,-ասաց Գեղամ Նազարյանը:
Հանրահավաքի ժամանակ քանիցս սադրանքի փորձեր եղան: ՀՅԴ անդամ Գեղամ Մանուկյանը ոստիկաններին կոչ արեց զբաղվել սադրիչներով, իսկ Գեղամ Նազարյանն ասաց. «Դուք հիմա տեսնում եք Նիկոլի իրական դեմքը, որովհետեւ իր խլնքոտներին ուղարկում է հանրահավաք խանգարելու, Նիկոլ, դու տեսնում ես այս բազմությունը եւ հասկանում ես՝ ինչ ես դու ու ինչ ժողովուրդ է այս ժողովուրդը»:
Կարդացեք նաև
Նա ասաց, որ Փաշինյանը սա չի մարսելու, քանի որ պատերազմն ինքն է բերել. «Նիկոլ Փաշինյանը պետք է առաջին հերթին պատասխան տա մեր երեխաների առաջ, որոնք երկնքում են: Նիկոլ, չես մարսելու, Աննա չես մարսելու, ես դա խոստանում եմ»:
Գոհար ՀԱԿՈԲՅԱՆ
