Ռուսաստանի արտգործնախարար Սերգեյ Լավրովը կարծում է, որ Թուրքիան չի հետապնդում «Մեծ Թուրան» ստեղծելու նպատակ:
«Եթե խոսենք «Մեծ Թուրանի» մասին՝ որպես անդրազգային միավորում պատմական առումով, չեմ կարծում, որ Թուրքիան այդպիսի նպատակ է հետապնդում: Չեմ տեսնում, թե իրականում ինչպես երկրները, որոնք եղել են նախկին ԽՍՀՄ մաս և դարձել են անկախ պետություններ, կարող են այս կամ այն կերպ պաշտպանել այդ գաղափարը: Ընդհակառակը, նրանց արտաքին քաղաքականութան ամբողջ պաթոսը և նրանց գործունեության փորձը իրենց ազգային պետությունն ամրապնդելու մեջ է»,- ասել է Լավրովը՝ պատասխանելով այն հարցին, թե արդյոք Ռուսաստանը վախենում է Թուրքիայի ամրապնդումից, հաշվի առնելով, որ, օրինակ, Ադրբեջանը հանդես է գալիս Մեծ Թուրանի օգտին:
Նրա խոսքով՝ Թուրքիան ունի իր շահերը, դա նրա ցեղակիցներն են, որոնք խոսում են նույն լեզվով: Լավրովը նշել է, որ թյուրքախոսների հարաբերությունների թեման բավականին խորն է ներթափանցած Թուրքիայի և մի շարք այլ երկրների, այդ թվում Ադրբեջանի և Կենտրոնական Ասիայի պետությունների հարաբերություններում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
