Այսօր «Արմենպրես»-ի մամուլի սրահում հրավիրված ասուլիսում ՊԵԿ մաքսային վիճակագրության եւ եկամուտների հաշվառման վարչության պետ Մնացական Շարաֆյանը նշեց, որ կոմիտեն շրջանառության մեջ է դրել մի նախագիծ, ըստ որի՝ օրինապահ հարկ վճարողների գործունեությունը կդիտարկվի ոչ միայն հարկային, այլ մաքսային մարմինների կողմից: Այսինքն՝ օրինապահ հարկ վճարողներին կտրամադրվեն էական արտոնություններ:
Ըստ պարոն Շարաֆյանի, միեւնույն ժամանակ պահանջվող չափանիշները կլինեն խիստ ու բարձր: «Կարող եմ վստահեցնել, որ թե՛ ներմուծողները, թե՛ արտահանողները, դառնալով օրինապահ հարկ վճարող, էականորեն կբարելավեն ընթացիկ պրոցեսները»:
Թե կոնկրետ ինչ արտոնություններ կստանան օրինապահ հարկ վճարողները, ՊԵԿ պաշտոնյան չհստակեցրեց: Ասաց, որ արտոնություններից մեկը կլինի բեռների շատ ավելի արագ բացթողնման հնարավորությունը, որը կարվի ավտոմատ կերպով, երբ մարդկային գործոնը գրեթե զրոյացված է:
Կարդացեք նաև
Լուսինե ԲՈՒԴԱՂՅԱՆ
