Սերժ Սարգսյանի հարցազրույցի երկրորդ հատվածը, որ հրապարակվեց երեկ, թերեւս աննկատ կանցներ, եթե նա չպնդեր, որ բանակի իրական թալանը տեղի է ունեցել գործող իշխանության օրոք:
Հետաքրքրականը, սակայն Սարգսյանի բերած օրինակն է թալանի մասով. «Օրինակ՝ գնել են մեծ քանակով զրահաբաճկոններ գրեթե 600 դոլարով, ով այդ գործից շատ թե քիչ տեղեկություն ունի, կարող է չհավատալ»,- որպես թալանի վառ օրինակ նշել է 10-ից ավելի տարիներ Հայաստանը ղեկավարած անձը:
Քաղաքական վերլուծաբան Աղասի Մարգարյանը նկատում է՝ երկիրը ղեկավարած անձը կարող էր գիտակցել, որ միգուցե այդ անվան տակ այլ տեխնիկա, այլ բան է բերվել, որի մասին չի կարող հայտարարվել:
Ստորեւ մեր զրույցը.
Կարդացեք նաև
– Պարոն Մարգարյան, Սերժ Սարգսյանը երեկվա հարցազրույցում պնդել է, որ բանակի իրական թալանը տեղի է ունեցել այս իշխանության օրոք: Այս պնդման համար բավարա՞ր է ասել, որ մեկ զրահաբաճկոնը գնել են մոտ 600 դոլարով:
– Նախ պետք է նշեմ, որ նախկին նախագահի խոսքում տարօրինակ շատ են հակասությունները: Խոսելով այս իշխանության թերացումների մասին՝ Սարգսյանը չի ասում, թե այդ ինչպե՞ս է, որ Ապրիլյան պատերազմից 2 տարի անց դեռ կարիքների պլան էին կազմում, թե ինչ պետք է ձեռքբերեն: Խոսքը ԱԹՍ-ների մասին է, որ ըստ Սարգսյանի, պետք է 2500 հատ գնեին մինչեւ 2024 թվականը: Այսինքն ի՞նչ էին անում Ապրիլյանից հետո: Եթե այդքան նախատեսել էին, կարող էին այդ ընթացքում գոնե մի մասը ձեռք բերել:
Ես հիշում եմ՝ կարծեմ 2016-ին ՊԲ նախկին հրամանատար Սամվել Բաբայանի հարցազրույցներից մեկը, դրանից հետո էլ հրապարակված նամակները, որոնցում նա հիմնական կետերով նշել էր այն կարիքները, որն ունի մեր բանակը արդիականացման տեսանկյունից: Այսինքն` մեկ գործիչը, բանակը ճանաչող մարդը կարողանում է նստել մի քանի էջի սահմաններում նշել 2016 թվի ապրիլյան պատերազմի հետեւանքով պարզված իրողությունները, գնահատել կարիքները, իսկ պետական մի շարք գերատեսչություններ այդ կարիքների գնահատումը անում են մի քանի տարո՞ւմ, որոշում են 2018 թվականից հետո նոր ինչ-որ բաներ մաս-մաս ձեռք բերել:
Իսկ ինչ վերաբերում է զրահաբաճկոններին, այստեղ ես մեկնաբանություն չունեմ. եթե դա համապատասխանում է իրականությանը, ապա Սերժ Սարգսյանը կարող է նշել, որ դա հաղորդում է հանցագործության մասին եւ դա ինչ-որ ընթացք ստանա: Բայց չմոռանանք, որ գուցեեւ խոսքը զրահաբաճկոնի մասին չէ, այլ տեխնիկաների մասին է: Բաներ կան, որ մեզ հասանելի չեն եւ չեն էլ կարող լինել: Վերջիվերջո պատերազմի ընթացքում ամենատարբեր սպառազինություն, զինտեխնիկա եւ օժանդակ ամեն ինչ ներկրվում է: Ես չեմ կարող ընդունել այդ հայտարարությունը որպես փաստ:
– Խոսեցիք Սարգսյանի մտքերում եղած հակասությունների մասին: Մեկ օրինակ կնշե՞ք:
– Ասում է, որ մեր բանակը պատրաստ չի եղել պատերազմի եւ դրանում մեղադրում է գործող իշխանություններին: Բայց չէ՞ որ 20-25 տարի բոլորին ասվել է, որ մեր բանակը ամենակայացած կառույցն է: Որեւէ կառույց չի կարող հօդս ցնդել մեկ-երկու ամսում, նույնիսկ մի տարում: Չհաշված, որ գործող իշխանությունն էլ եկել է իր ծրագրով, բանակի վերաբերել որպես կայացած կառույցի եւ չի միջամտել որեւէ բանի: Այս պարագայում քաղաքական ղեկավարության վրա դնել ռազմական պատասխանատվություն՝ դա զուտ քարոզչական հնարք է:
– Մեղադրանքներից մեկը վերաբերում է չարչրկված Իսկանդերը Ադրբեջանի փոխարեն Շուշիի ուղղությամբ կիրառելուն: Այդպես էչ չհաստատվեց՝ եղե՞լ է նման բան:
– Պարզունակ ձեւակերպումներ են: Փաստացի մենք ունեինք իրավիճակ, երբ Հայաստանն ու Ադրբեջանը չէին միմյանց դեմ պատերազմում, շատ հաճախ անտեսվում է այդ փաստը: Այսինքն` եթե հայկական կողմը Իսկանդեր էր կիրառում, դա նշանակում է, որ Հայաստանն էր Իսկանդեր կիրառում Ադրբեջանի նկատմամբ. դրանով իրավական առումով ՀՀ-ն պատերազմ էր հայտարարում Ադրբեջանին: Այդ մասը չգիտես ինչու մոռանում են, որ Պաշտպանության բանակն էր պատերազմողը, իսկ Պաշտպանության բանակը Իսկանդեր զինատեսակ չունի: Հետո նա հաստատապես չի պնդում, որ կիրառվել է Շուշիի ուղղությամբ: Դրանք բամբասանքի մակարդակի զրույցներ են, չեմ բացառում որ ինչ-որ բան կիրառվել է, չեմ էլ կարող դա պնդել, բայց դա դիվիդենտ հավաքելու թեմա չէ: Ավելին՝ Սերժ Սարգսյանը քննադատում է Գյանջան ռմբակոծելու գործողությունը, ներկայացնելով, որ դրանից հետո գնդակոծվեցին Ստեփանակերտն ու Շուշին: Բայց հայտնի փաստ է, որ ադրբեջանական կողմը իր դիրքերը փորում էր բնակավայրերի մոտ, այսինքն` այդ դիրքերի ռմբակոծումը ակամայից բերում էր խաղաղ բնակչության վնասմանը:
Սյուզաննա Պողոսյան
Հոդվածն ամբողջությամբ՝ «Հայկական ժամանակ» օրաթերթի այսօրվա համարում:
Տիպիկ նիկոլական: Բանակը ուժեղացնելը, հակառակորդի հետ ռազմական բալանս պահելը անընդատ պրոցեսա: Հակառակորդը գնելա ՄԻԳ-29 մենք գնել ենք Ս-300, հակառակորդը գնելա Տ-90 մենք գնել Կոռնետ հակատանկային համալիրներ, Հակառակորդը սկսելա ԱԹՍ ներ օգտագործել, մենք կնքել ենք ՏՈՌ-ի դիվիզիոններ, Ռադիոէլեկտրոնային պայքարի համալիրներ ձեռք բերելու պայմանագրեր:
Տոռերի մատակարումը սկսվելա 2017-ին:
Անգիր են արել 20տարի հա 20տարի; Դուք էլ արդեն 2տարուց ավել իշխանության եք 20տարվա 10տոկոսըԼ Ընդ որում 20տարի առաջ երբ Քոչարյանը եկելա իշխանության երկրի բյուջեն եղելա 250միլիոն դոլլար, երբ դուք եք եկել բյուջեն եղելա 3միլիարդ: Հետևաբար պարզա, որ դուք ձեզ հասանելիք 2018-2020 -ի ընթացքում պարտավոր էիք անհամեմատ շատ բան անեիք քան արվելա ասենք 1998-2000-ին:
Ձեզ հստակ ասում են ՏՈՌ-ի դիվիզիոնների փոխարեն բերել եք ՍՈՒ-30 ու 70-կանների ՕՍԱ ՕԿԱ:
Աընդատ գենշտաբի պետ եք փոխել: Որ ասում են բանակ ուժեղա: Գերագույն հրամանատարը, ՊՆ-ն, գենշտաբի պետը, ՊԲ հրամանատրն էլ բանակի մի մասն են: ՈՒ բանակի ուժեղ լինելը նաև դրանիցա կազմված:
Նենց չի, որ ֆայլաբազառից մեկին դնենք գերագույն հրամանատար բանակը դրանից չի տուժի, կշարունակի մնա նույնքան ուժեղ: