Լեոյի 1 հասցեն է՝ Երևանի կենտրոնում, Կոնդ թաղամասի հարակից հատվածը, որն ամեն օր աղբավայրի է վերածվում։ Աղբամանների փոխարինման գործընթացը Երևանի քաղաքապետարանը սկսել է 2019թ.-ից: Մայրաքաղաքի վարչական շրջաններում արդեն շուրջ 8900 նոր աղբաման կա տեղադրված, որոնցից երկուսը հենց այս տարածքի բնակիչների համար է նախատեսված: Բայց քաղաքացիներից շատերը աղբը թափելու ավելի հեշտ տարբերակ են գտել:«Այնքան, որքան աղբաման կա այսօր քաղաքում, երբևիցե չի եղել Երևանում, բայց միևնույն է՝ Լեոյի փողոցում ունենք կետ, որտեղ մարդիկ, կիրթ ու լավ հագնված դուրս են գալիս, աղբը գցում գետնին և շարունակում են իրենց ճանապարհը»,- նշում է քաղաքապետը:
«Եթե մեկուկես տարի առաջ դա կարելի էր կապել աղբահանության վատ կազմակերպման հետ քաղաքում, ինչին բոլորս ենք ականատես եղել, ապա այժմ վերջին ամիսների ընթացքում ակնհայտ է դառնում, որ այստեղ մենք գործ ունենք, որքան էլ տարօրինակ հնչի, մշակութային խնդրի հետ»,- նկատում է Կենտրոն վարչական շրջանի ղեկավար Ավետ Պողոսյանը:
Որպեսզի աղբը չկուտակվի և մարդկանց առողջությանը չսպառնա, Լեոյի 1 հասցեի աղբը պարբերաբար մաքրում են «Երևանի աղբահանություն և սանիտարական մաքրում» համայնքային հիմնարկի աշխատակիցները, ինչը, սակայն, նրանց պարտականությունների մեջ չի մտնում:
Կարդացեք նաև
«Եթե մենք շարունակենք մեր քաղաքի հանդեպ այսպես վարվել, որևէ գումար, որևէ համակարգի ստեղծում չի կարող նպաստել քաղաքը մաքուր պահելուն: Մենք պետք է հասկանանք, որ քաղաքի մաքրությունն առաջին հերթին մեր չաղտոտելու արդյունքը պետք է լինի, իսկ կոմունալ ծառայություններն իրենց աշխատանքը կիրականացնեն»,- ասում է Ավետ Պողոսյանը:
Վարչական իրավախախտումների մասին օրենքն, ի դեպ, չսահմանված վայրերում աղբ թափելու համար պատասխանատվություն է նախատեսում։
Երևանի քաղաքապետարանի աշխատակազմի
տեղեկատվության և հասարակայնության հետ կապերի վարչություն
Աղբավայր կենտրոնում. Լեո փողոցում բնակիչներն աղբը թափում են հենց իրենց տների կողքինԱղբավայր կենտրոնում. Լեո փողոցում բնակիչներն աղբը թափում են հենց իրենց տների կողքին: Աղբամանների փոխարինման գործընթացը Երևանի քաղաքապետարանը սկսել է 2019թ-ից: Մայրաքաղաքի վարչական շրջաններում արդեն շուրջ 8900 նոր աղբաման կա: Դրանցից երկուսը այս տարածքի բնակիչների համար է տեղադրված:
Posted by Երևանի քաղաքապետարան / Yerevan Municipality on 2021 թ. փետրվարի 17, չորեքշաբթի
