Այսօր՝ փետրվարի 17-ին, Հեռուստատեսության և ռադիոյի հանձնաժողովում կայացել է հանդիպում տեսալսողական ծրագրերի դիստրիբյուտորների և ցանցային օպերատորների հետ, որին ներկա էին նաև Հայաստանի օպերատորների միության ներկայացուցիչները:
Հանդիպման նպատակը, որին մասնակցում էին ՀՌՀ գլխավոր քարտուղար Սմբատ Խաչատրյանը, իրավաբանական և լիցենզավորման վարչության, ծրագրերի մոնիտորինգի և վերահսկողության վարչության և Հանձնաժողովի այլ ներկայացուցիչներ, «Տեսալսողական մեդիայի մասին» օրենքի մեկնաբանությունն էր՝ մասնավորապես այն դրույթները, որոնցով կարգավորվում են դիստրիբյուտորների և ցանցային օպերատորների գործունեությունը:
Քննարկման հիմնական առարկա է դարձել առանց լիցենզիա գործող օպերատորների գործունեության արգելումը:
Հանդիպման ավարտին որոշվել է ՀՌՀ աջակցությամբ ստեղծել գործիքակազմ, որը կնպաստի դիստրիբյուտորների և օպերատորների միջև աշխատանքների թափանցիկությանն ու հրապարակայնությանը՝ դաշտում ապահովելով մրցակցային մթնոլորտ:
Կարդացեք նաև
Հեռուստատեսության և ռադիոյի հանձնաժողով
