2016թ․-ին ՀՀ ոստիկանության ՊՊԾ գունդը գրաված եւ մի շարք ծանր հանցագործությունների կատարման համար մեղադրվող «Սասնա ծռեր» խմբի անդամների գործով (Վարուժան Ավետիսյան, Պավել Մանուկյան եւ մյուսներ) հերթական դատական նիստում այսօր պաշտպանական ճառով հանդես եկավ գործով մեղադրյալ, «Սասնա ծռեր» համահայկական կուսակցության անդամ Վարուժան Ավետիսյանը։
«Վերջին շրջանում որոշ պաշտոնյաների փոխադարձ մեղադրանքների եւ խոստովանությունների ֆոնին ամբողջանում է այն պատկերը, որը կար հանրային ընկալման մեջ, եւ մեր հիմնավորումները դառնում են ապացուցված։ Գործող ԱԽ քարտուղար Արմեն Գրիգորյանն իր հարցազրույցով հաստատեց, որ 2016թ․-ի մեր ապստամբության շնորհիվ հետաձգվել է ազատագրված տարածքների հանձնումը»,-հայտարարեց Վարուժան Ավետիսյանը։
Նրա խոսքով․ «Ոչ միայն այդ խոստովանությունն է ապացույց։ Նախորդիվ էլ Սերժ Սարգսյանը խոստովանեց, որ ինքը պատրաստ է եղել այդ տարածքները զիջելու։ Նախկինների եւ ներկաների միջեւ խոսակցությունը ծավալվում է նրա շուրջ, թե ով ավելի հեշտ եւ փափուկ կհանձներ։ Հանձնողների փոխադարձ մեղադրանքները հիմնավորում են ապստամբության անհրաժեշտությունը՝ առնվազն հետաձգել Արցախի հանձնումը, որը կբերեր պետականության քայքայման, որին հիմա ականատես ենք»։
Կարդացեք նաև
Լուիզա ՍՈՒՔԻԱՍՅԱՆ
