«Առաջին լրատվական»-ի զրուցակիցն է ԳԱԱ նախագահ Ռադիկ Մարտիրոսյանը։
– ԳԱԱ ակադեմիայի կարգավիճակի հարցը լարվածություն էր առաջացրել ձեր և նախարարության միջև։ Հիմա ո՞ր չափով են հարցերը շտկվել։
– Դեռ շտկված չեն, մենք միևնույն է պայքարելու ենք, որպեսզի այս համակարգը լինի։ Ակադեմիան այդպես ինքնանպատակ կազմակերպություն չէ, ակադեմիան գիտական կազմակերպությունների, գիտաշխատողների միասնություն է, մարդիկ աշխատում են նոր գաղափարների վրա, արդյունքներ են ստեղծում, ներդրում անում գիտության, կրթության, մշակույթի մեջ։ Գիտությունն այլապես չի զարգանա։
– Կարծում եք՝ այսօր իշխանությունը նման առաջնահերթություն դրե՞լ է իր առջև։ Գիտության զարգացումը որպես անվտանգության կարևոր բաղադրիչ է քննարկվում։ Արդյոք պատերազմն այս առումով կարո՞ղ է դաս լինել։
Կարդացեք նաև
– Ոչ միայն այս պատերազմը, այլ, ընդհանուր առմամբ, ամբողջ աշխարհում հիմա գնում է այն գաղափարախոսությունը, որ պետք է մեծ ներդրումներ անել գիտության մեջ, որ գիտությունն է ապահովում և՛ անվտանգություն, և՛ տնտեսության, և՛ մշակույթի զարգացում, այս բոլորն առնչվում են գիտության հետ։ Մյուս կողմից, սակայն, խոսել գիտության զարգացման մասին առանց ներդրումների, հնարավոր չէ, գիտությունն ինքն իրեն չի կարող զարգանալ։ Այսօր մեր բոլորի համար, օրինակ, մեր դաշնակից Ռուսաստանի հաջողությունները գիտության բնագավառում, օրինակ, կորոնավիրուսի ասպարեզում, փայլուն կենսաբանների գիտական արդյունքների շնորհիվ ստեղծվել են պատվաստանյութեր, որոնք ամբողջ աշխարհում են տարածվում։ Այդպիսին է նաև պաշտպանության ոլորտում, նոր զինատեսակների ստեղծումը՝ հիմնված ժամանակակից տեխնոլոգիաների վրա։ Այս բոլորը ոչ միայն մարդկանց նվիրված աշխատանքի շնորհիվ, այլ նաև ներդրումներ է ենթադրում, առանց դրա անհնար է։
Սիրանույշ ՊԱՊՅԱՆ
Հոդվածն ամբողջությամբ՝ «Ժամանակ» օրաթերթի այսօրվա համարում:
