«Ամեն մեկն իրեն Սպինոզայի տեղն է դրել… Այ, որ ինձ լսես… այս նախադասությամբ են սկսում… Այ բալամ` ի՞նչ գիտես երկրի մասին, ինչ գիտես ինչ են արել առաջին, երկրորդ, երրորդ նախագահները երկրի համար, ի՞նչ է անում այսօրվա նախագահը… Ո՞ւր է չորրորդ նախագահը… Որեւէ հարցի պատասխան չկա, ու ոմանք դեռ հանդգնում են կարծիքներ հայտնել…»,-«Հայելի» ակումբում ասաց երգչուհի Շուշան Պետրոսյանը:
Խոսելով մեր երկրի հետ կատարվածի ու այս համատեքստում բարձրաստիճան զինվորականների մասին, երգչուհին ասաց, որ նրանցից շատերն իր ընկերներն են. «Հրամաններ էր արձակում (Նիկոլ Փաշինյանը – Գ.Հ.), ոնց էիք կատարում, ոնց չէիք նույն հրամանները կատարում 1992թ-ին… Շուշին ո՞նց ազատագրեցիք… Հիմա խորանա՞մ… Ո՞նց եք հանդուրժում, որ ամեն օր մի քիչ Սյունիք ենք կորցնում…»:
Նա տարակուսանք հայտնեց. «Ո՞նց եք հանդուրժում, որ հողերը գնան եւ ականջներդ կախ կատարեք դրա հրամանները… Երկրից թանկ բան կա՞… Եկեք հրապարակ»:
Նա ցուցարարներին ու բողոքի գործողություններին մասնակցող մարդկանց քաշքշող ոստիկաններին էլ անդրադարձավ. «Միշտ փորձել եմ իրավապահ մարմիններին չանդրադառնալ, մտածել եմ պետական ինստիտուտ է, բայց այն, ինչ այսօր է կատարվում, զարմանալի է: Ուզում եմ դիմել հայ ոստիկաններին, որովհետեւ այդ տղերքի մեջ հայ տղերք էլ կան, որոնք համաձայն չեն իրենց գործընկերների գործողությունների, հրելու, մարդկանց վրա ձեռք բարձրացնելու հետ: Շատ-շատերը մոտենում են հրապարակում, խոսում են:
Կարդացեք նաև
Ուզում եմ կոչ անել՝ տղերք, չկոտրվեք, չնմանվեք ձեր գործընկերներին, ասեք իրենց, որ իրենք «մլիցա» չեն՝ հայ ոստիկաններ են, հայ ոստիկանությունն արդեն պարտավորեցնող է, «մլիցայությունից» ազատվեք, մի արեք այն, ինչով ձեզ քարկոծում էին այն տարիներին, երբ դուք, բնավ, ձեզ այդպես չէիք պահում»:
Գոհար ՀԱԿՈԲՅԱՆ
