ԵԽԽՎ-ն իր լիագումար նիստի ընթացքում ընդունել է բանաձև՝ արձանագրելով, որ մի քանի անդամ-երկրներում, մասնավորապես Ադրբեջանում, Ռուսաստանում և Թուրքիայում քաղհասարակության դիրքերը երերուն են սահմանափակող օրենքների և կարգավորումների պատճառով: Մասնավորապես, մտահոգիչ են այդ երկրներում օտարերկրյա ֆինանսավորման հասանելիության սահմանափակումները, ասվում է բանաձևի տեքստում:
Բանաձևն ընդունվել է պատգամավոր Ալեքսանդրա Լուիսի զեկույցի հիման վրա: Դրանում ԵԽԽՎ-ն ոչ է արել անդամ երկրներին «հավաքների և ազատ արտահայտման իրավունքը համապատասխանեցնել միջազգային իրավական չափանիշներին և չեղարկել կամ փոխել այն օրենքները, որոնք խոչընդոտում են ՀԿ-ների ազատ և անկախ աշխատանքին»:
«Կառավարությունները պետք է զերծ մնան այնպիսի նոր օրենքներ ընդունելուց, որոնք անտեղի և անհամաչափ սահմանափակում են ՀԿ-ների գործունեությունը,- կարծում են խորհրդարանականները՝ ընդգծելով, որ Covid-19-ով պայմանավորված իրավիճակը չպետք է օգտագործվի այդ սահմանափակումներն արդարացնելու համար:- ՀԿ-ները պետք է կարողանան տիրապետել և օգտագործել թե՛ տեղական, թե՛ օտարերկրյա ծագման ֆինանսական ռեսուրսներ՝ առանց խտրականության և խոչընդոտների»:
ԵԽԽՎ-ն կոչ է արել անդամ երկրներին զերծ մնալ ոտնձգությունների բոլոր ձևերից (դատական, վարչական և հարկաբյուջետային), հանրային բացասական հայտարարություններից և ՀԿ-ներին ուղղված արատավոր արշավներից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
