Բազմաթիվ գերմրցաշարերի, ՖԻԴԵ-ի Մեծ մրցանակի, Վեյկ ան Զեյի մրցաշարի քառակի հաղթող, 2009 թվականի աշխարհի չեմպիոն, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, 2002 թվականի Հայաստանի չեմպիոն, գրոսմայստեր Լեւոն Արոնյանի ընտրյալը՝ Անիտա Այվազյանը ֆեյսբուքյան էջում հրապարակել է լուսանկար, որից հայտնի է դառնում, որ նրանք Սիրահարների տոնը նշել են Լոռիում Մենձ Էր Քարայրում ռոմանտիկ ճաշկերույթով:
Անիտա Այվազյանը նաեւ գրել է. «Այսօր Բարեկենդանի ու սիրո օրն է: Ինձ համար երկուսն առանց իրար չեն կարող գոյություն ունենալ: Բարեկենդան նշանակում է բարի կենդանություն, իսկ դու ապրում ես, երբ սիրում ես: Ատելությամբ լի մարդը մեռած է: Նա հոգի չունի, պարզապես ներկա է ֆիզիկապես:
Սիրեք իրար, շատ սիրեք և բարի եղեք: Սկսեք շռայլ լինել բարին ցանկանալիս, և ոչ թե չարախոսելիս: Բարությունն այս օրերին մեզ շատ է պակասում: Կամեցեք բարին ու վստահ եղեք, որ կյանքը բարությամբ ձեզ կհատուցի»:
