«Դադարը շատ բնական պատճառներով էր. եկավ Նոր տարի, շատ ցուրտ էր եւ մարդկանց երկար պահել փողոցներում հնարավոր չէր»,- այսօր Ազատության հրապարակում լրագրողների հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը` պատասխանելով հարցին` հանրային դժգոհություններ կան ընդդիմադիրներից, որ երկար դադար էին վերցրել:
Վազգեն Մանուկյանի գնահատմամբ`բնական ձեւով դադար եղավ, որն, իր կարծիքով, մի քիչ երկար տեւեց, քան պետք էր, բայց այդ դադարը վնասներից բացի՝ օգուտներ էլ է բերել: Օգուտն, ըստ բանախոսի, այն էր, որ բազմաթիվ մարդիկ, որոնք չէին պատկերացնում, թե ի՞նչ է կատարվում Հայաստանում, այսօր ավելի շատացել են. «Մարդիկ շոկից դուրս են գալիս, այդ հարվածներից սթափվում են եւ սկսում են հասկանալ: Այսօր սովորական հարցումներն էլ են դա ցույց տալիս»:
Իսկ շարժումն այս ընթացքում իր ներսում քննարկել է իր նախորդ բոլոր արածները: Վազգեն Մանուկյանը չասաց, թե ինչն են ճիշտ արել, ինչը` սխալ, բայց դասեր են քաղել: Նա կարծում է, որ փետրվարի 20-ի հանրահավաքով շարժումն ավելի մեծ թափով կշարունակի իր գործունեությունը:
Կարդացեք նաև
Մի առիթով Վազգեն Մանուկյանը հայտարարել էր, որ ժողովուրդն իրավունք ունի ապստամբության, ինչը շատ երկրներում տեղի է ունեցել. այդ հայտարարությունը շատ քննարկումների տեղիք տվեց: Այսօր Վազգեն Մանուկյանը պարզաբանեց. «Հեղափոխությունները նախապատրաստում են, իսկ ապստամբությունը`դժգոհ ժողովուրդն ինքն ապստամբում է: Ես, իմ կողմից, միշտ էլ կխրախուսեմ ապստամբությունը: Ցանկական միջոց, որը ֆիզիկական միջոցների չի դիմում մարդկանց նկատմամբ, բայց նպաստում է, որ իշխանությունը հեռանա, ես կխրախուսեմ»: Նա վստահ է, որ երկրի համար ամենավատն այն է, որ Նիկոլ Փաշինյանն է մնում իշխանության, իսկ մնացյալ բոլոր տարբերակները, վստահ է, որ ավելի լավն են:
Վազգեն Մանուկյանը նաեւ նկատում է` հայ ժողովրդի պատմության մեջ հազարավոր տարիներ չի եղել այսպիսի իրավիճակ, երբ երկրի ղեկավարը շատ ցինիկ ձեւով ոչնչացնում է երկիրը եւ վաճառում:
Այլ մանրամասները՝ տեսանյութում
Նելլի ԳՐԻԳՈՐՅԱՆ
Հարգելի հայրենակիցներ, սթափվե՛ք, վաղը ուշ կլինի:
Ինչպես որ թուրքն է խոշտանգում հայ գերիներին, այնպես էլ նիկոլն է խոշտանգում, մաս-մաս կտրատում Հայաստանը, թուրքին է տալիս մեր պապենական հողերը:
Դիմում եմ նաև Սերժ Թանկյանին և Արսինէ Խանճեանին (Արսինե Խանջյան), դուք զգու՞մ եք ձեր մեղքի բաժինը, որ խառնվեցիք քաղաքականությանը: Դու՛ք նպաստեցիք և լիովին աջակցեցիք, որպեսզի այս հայատյացը, հոգեպես անհավասարակշիռ պաշտոնամոլը զբաղեցնի ՀՀ վարչապետի պաշտոնը: Ընդունու՞մ եք, որ դու՛ք նպաստեցիք Արցախի և Հայաստանի հազարավոր երիտասարդների զոհվելուն ու խոշտանգվելուն՝ անասելի վիշտ պատճառելով նրանց ընտանիքներին: Դու՛ք ջանասիրաբար քննադատում էիք Հայաստանի նախկին իշխանութուններին, դա միանգամայն տեղին էր, իսկ հիմա ինչու՞ եք պապանձվել: Ձեզ դու՞ր է գալիս այս մեծ դավաճանը, որը գործում է իր տերերի՝ ադրբեջանի և թուրքիայի թելադրանքով: Ի՞նչ երեսով եք գնալու Հայաստան, թե՞ էլ չեք գնալու:
Հարգելի հայրենակիցներ, պետք է փրկել մեր Հայրենիքը:
Մի՞թե հայրենասերների դեֆիցիտ ունենք:
Զարթնի՛ր լաո, վաղը ուշ կլինի:
Սուսաննա Փիլոսյան